Cabugao, Ilocos Sur – Naangay ti Pay-out dagiti Indigent Senior Citizens kadagiti 33 a barangay ti ili a Cabugao, Ilocos Sur idi Disiembre 30, 2014 iti Municipal Building, Cabugao, Ilocos Sur.
Nasapa a dimteng dagiti Senior Citizen Beneficiaries a naggapu iti nadumaduma a barangay ket naikkanda ti Social Pension/Stipend Claim Stub a pakaberipikaranda a kas kameng ti Senior Citizen ken dadduma pay a mapirmaan a papeles a naaramid sakbay nga inawatda ti pensionda.
Dagiti immawat a Senior Citizen Pensioner ket paset ti Bottom-up Budgeting (BUB) a nakabuklan ti 100 a nataengan; NHTS, 125 a nataengan (Retroactive- 1st to 4rth Quarter, 2014); NHTS Regular, 200 a nataengan (3rd & 4rth Quarter, 2014).
Segun ken ni Miss Aida S. Cueto, Staff ti MSWDO-Cabugao nga aganay a 500 timmawat ti pension a nataengan a naggapu iti 33 a barangay ti Munisipalidad ti Cabugao.
Inimatangan dagiti Staff ti MSWDO-Cabugao nga idauluan ni Mrs. Lydia S. Gazmen kasta metten ti pannakabagi ti DSWD-Region agraman ni Office of Senior Citizen Association (OSCA) Head Mr. Remigio Sunico iti pannakaited dagiti pension/kantidad kadagiti benepisiario.
Segun ken ni MSWD Officer Mrs. Lydia S. Gazmen, kangrunaan a pagrukodan ti mabenepisiaran kadaytoy a programa ti DSWD ken ti LGU-Cabugao ket agtawen ti 77 nga agpangato ken masakupan iti nakurapay a kasasaad iti panagbiag-na.
Dagitoy nga inisiatiba ket agtultuloy a maipatungpal para kadagiti napanglaw a nataengan ken paset ti agtultuloy a programa ti Gobierno Munisipal nga idauluan ni Mayor Edgardo “Ediboy” S. Cobangbang, Jr. tapno matulongan pay dagiti sektor ti nataengan iti intero a Munisipalidad ti Cabugao. # (Web In-Action)
No comments:
Post a Comment