Cabugao, Ilocos Sur – Naangay ti 2015 Metrobank-MTAP-DEPEd Math Challenge District Elimination ket naggigiddan iti amin a Distrito ti DepED ti Ilocos Sur iti Enero 13, 2015.
Maibatay iti Division Memorandum No. 137, Series 2014, buklen ti 25 a Testing Centers iti Probinsia a pakairamanan ti ili a Cabugao, Ilocos Sur.
Mapili ti tallo a contestants/ubbing iti Grade 1 to 6 ti kada eskuela iti 26 a pagadalan ti Cabugao DepEd District. Nagpaay nga Chief Examiner ni Mrs. Estrella M. Siruno, Principal II, Cabugao North Central School ket dagiti MATARI (Mathematics Teachers of Region 1) District Officers iti nagpaay met a Room Examiners. Nakiraman met dagiti Math Contestants iti Pribado a pagadalan iti nasao a pakontes.
Ditoy Cabugao DepED District, naangay ti Eksaminasion dagiti Math Contestants kadagiti pasdek-pagadalan ti Cabugao South Central School, Brgy. Bonifacio, Cabugao, Ilocos Sur iti Enero 13, 2015.
Sakbayna, naangay met ti District Math Festival iti amin a Distrito ti Probinsia babaen iti Tema: “Challenging the Youth to be Globally Responsive Through Math Activities” a nagpartisiparan dagiti Math Contestants itay nabiit. Naaramid daytoy a pakontes nga inesponsoran ti Division Office, MATARI ken LGU’s ken ti DepEd tapno manayonan ti gapuanan a pangpasirib pay kadagiti ubbing a nalaing iti Mathematics.
Kanaig daytoy, panggep ti Math Festival a mangpasayaat pay iti kalidad ti Mathematics Education tapno maiyintek ti laing kadagiti ubbing kadaytoy nga asignatura nga agballigida iti benneg ti Elementaria iti amin a Distrito ti DepED. Kasta pay a mamuli dagiti ubbing para iti promotion of leadership, cooperation, sportsmanship ken camaraderie-da kadagiti kapatadanda. # (Web In-Action)
No comments:
Post a Comment