Cabugao, Ilocos Sur – Maangay ti tallo a lawas (Enero 26, 2015-Pebrero 14, 2015) a panagsanay dagiti napili nga Atleta iti napagtitipon a pageskuelaan (Elementaria ken Public High Schools) iti intero a Probinsia ti Ilocos Sur a no sadino a ditoy ket pagpartisiparan dagiti mapili nga Atleta a mapan makisalip iti Region 1 Athletic Association (RIAA) 2015 Competition idiay Probinsia ti Pangasinan ken dagitoy ti mangibagi iti tunggal pagadalan iti kada ili, Officiating Officials, Coaches ken mangisursuro a mangtarabay kadagiti Atleta iti tallo a lawas a panagsanay iti nadumaduma nga sports events.
Maaramid ti panagsanay iti Cabugao District Athletic Oval (Freedom Park) kasta pay a mausar dagiti dadduma nga Sports Facilities ti ili a kas iti Cabugao Cultural and Sports Complex ken iti Cabugao Central Park (CCP) Basketball Court, segun ken ni Cabugao DepED District PESS Coordinator Ronel M. Ubaldo.
Idauluan ni Mr. Meneleo Palma, CSEE, Education Program Supervisor 1, MAPEH ken PESS Division Coordinator dagiti Sports Officials ken agsanay nga Atleta. Pinagyamanan ni Mr. Palma iti agtultuloy a suporta ti LGU-Cabugao nga idauluan ni Mayor Edgardo “Ediboy” S. Cobangbang, Jr. iti DepED iti pannakausar manen ti Athletic Oval ken dadduma a pasilidad a pagsanayanda ditoy nga ili. Impaay pay ti DepED Official iti pammalagip kadagiti Officiating Officials ken Coaches para iti naurnos a panagsanay dagiti Atleta. # (Web In-Action)
No comments:
Post a Comment