CATTLE FATTENING PROJECT 2015 TI 4 H-CLUB, NAITURN-OVER

Cabugao, Ilocos Sur – Agdama ita a maipatpatungpal ti Cattle Fattening Project nga ipunduan ti Grassroots Participatory Budgeting Process (GPBP) Projects dagiti Asosasion ti 4-H Club iti ili a Cabugao  babaen iti agtultuloy a panangtulong ti LGU-Cabugao nga idauluan ni Mayor Edgardo “Ediboy” S. Cobangbang, Jr. para iti livelihood project  dagiti Out-of-School Youth (OSY)   tapno  mabirokanda  iti kaimudinganda a napintas a masakbayan. 

Sakbayna, naaramid ti Briefing dagiti 4-H Club Leaders iti Enero 28, 2015 iti Municipal Slaughterhouse, Brgy. Baclig, Cabugao, Ilocos Sur a no sadino a ditoy ket nag-lecture da Dr. Melvyn G. Castro, DVM, Municipal Livestock Inspector ken ni Mr. Obas Bill Y. Baclig, Municipal 4-H Club Coordinator maipapan iti proyekto ti Cattle Fattening ken iti sinaguday ti Memorandum of Agreement (MOA) a pirmaan dagiti Proponent-Beneficiaries.

Kabayatanna, naiyallawat dagiti 18 a baka kadagiti 18 4-H Club Recipients iti dayta a petsa ken disso ket inimatangan da SBM B enedicto M. Savellano, Committee Chair on  Agriculture, Fisheries an d Cooperratives, SBM Danny Q. Gazmen ken ni SBM Josefina S. Vallejo.

Nakipaset met dagiti Technologist ti DA-LGU Cabugao nga  idauluan ni Municipal Agriculturist Zenaida S. Andrada, Municipal Meat Inspector Dante Naval, GSO Gemma S. Castillo  ken ni MPDC Florante Jara iti turnover ti livelihood project kadagiti agtutubo.

Maar-aramid latta ti pannakapatibker dagiti Asosasion ti 4-H Club iti intero a Munisipalidad ti Cabugao, Ilocos Sur babaen iti panangibagnos ni Mr. Obas Bill Y. Baclig, AT, Municipal 4-H Club Coordinator.

Segun ken ni Mr. Baclig, mitmitingenda  dagiti Opisiales ti  Asosasion iti 4-H Club ket trinatarda dagiti agduduma a pakaseknanda kasta met a rine-organisarda dagiti saanen nga aktibo nga asosasion.

Innayon ni Mr. Baclig nga iti agdama, adda 15 nga aktibo nga asosasion ti agtutubo a masarakan iti Brgy. Bato, Reppa-ac, Pug-os, Bungro, Cael-layan, Baclig, Turod, Namruangan, 

Dardarat, Salomague, Bonifacio, Cuancabal, Arnap, Nagsincaoan ken Cacadiran malaksid kadagiti nainayon a naorganisardan  iti dadduma a barangay.

Insupusop ni Mr. Baclig nga adda Tema a pagbasbasaran dagiti aktibidadesda iti napalabas a Tawen 2014 a  kas iti: “Youth Empowerment for Food Sufficiency and Sustainability”. # (Web In-Action)