Thursday, January 15, 2015

COVERED CANAL, NALPAS A PROYEKTO TI BRGY. RIZAL

Cabugao, Ilocos Sur –Nairingpasen ti Proyekto ti Barangay Rizal a Covered Canal iti paset ti D. Singson St., Brgy. Rizal, Cabugao, Ilocos Sur.

Segun ken ni Kagawad Gabriel G. Sunio, tinarawidwidanna   ti pannakatrabaho daytoy a pannakakalub ti kanal iti paset ti kanto ti D. Singson ken Soller  Street iti nadakamat a barangay.

Maisarunonto  a mapintaan ti Covered Canal, segun pay iti Kagawad.

Insupusop pay  ti Kagawad nga agtultuloy a maipatungpal ti Cleanliness Drive ita a Tawen 2015  babaen iti panagdalusda kadagiti amin a sidewalks ti barangay iti tunggal aldaw ti  Sabado. Mairaman pay iti pruning dagiti nagleppay a sanga ti kayo kadagiti Kalsada.

Kanaig daytoy, agtultuloy a maipakpakat  ti panagtiliwda iti ibbet nga aso kadagiti kalsada. Kasta pay a manmantenerenda iti kinadalus ti paset ti mabatoganda iti Osmena Bridge kasta metten iti disso ti  Barangay  Tree Park a masarakan iti amianan-a-daya ti nasao a rangtay.

Ti Brgy. Rizal ket maysa kadagiti uppat a  naprogreso a barangay iti Poblasion iti ili a Cabugao, Ilocos Sur nga idauluan ni Brgy. Captain Thaddeus “Teddy” U. Soller.  # (Web In-Action)

No comments:

Post a Comment