Cabugao, Ilocos Sur –Agtultuloy ti pannakaaramid ti Family Development Session (FDS) iti Pantawid Pamilyang Pilipino Program (4 P’s) kadagiti 33 a Barangay ti ili a Cabugao, Ilocos Sur iti Tawen 2015.
Daytoy ket isaysayangkat ti Municipal Operations Office ti 4 P’s-MSWDO Cabugao a buklen ti Team A ken Team B nga idauluan da Ms. Jessie Ann O. Tabut ken ni Ms. Rosemarie C. Pespes kas panagsaganadda ken babaen iti panangtarabay ni MSWD Officer Mrs. Lydia S. Gazmen.
Ti kaipapanan ti Tema ket mailektiur kadagiti 4 P’s iti panagrugi ti FDS iti Enero 2015 a daytoy iti: “Pagiging Magulang at Pagiging Responsableng Magulang”.
Umabot ti dua agingga iti tallo a Barangay ti maileppasda a pagmitingan iti tunggal aldaw. Kinuna ni Miss Aida S. Cueto, Municipal Focal Person ti 4 P’s ket maangayto ti miting ti Municipal Advisory Council ti Pantawid inton Enero 14, 2015 nga idauluan ni Mayor Edgardo “Ediboy” S. Cobangbang, Jr. ken dumar-ayanto ni Committee Chair on Social Services, SBM Atty. Bryan Jett S. Pano tapno mataming dagiti kangrunaan nga aspeto ti programa para iti serbisio a maipaay kadagiti 4 P’s iti ili a Cabugao, Ilocos Sur.
Daytoy a pro-poor program ti LGU-Cabugao ken ti DSWD ket agtultuloy a maipatungpal kadagiti kualipikado a Benepisiario iti 33 a Barangay ti ili a Cabugao, Ilocos Sur. # (Web In-Action)
No comments:
Post a Comment