Friday, January 30, 2015

UPDATE TI PANAGBUNAG TI BASURA TI LGA TECH., INC.

Cabugao, Ilocos Sur – Naikkan ti  pawayway iti operasion ti  Luzon Green Art Technology, Inc., pribado a kompania a nangkontrata iti pannakaidalimanek ti basura iti Ecology Center  ti Munisipalidad ti Cabugao.

Daytoy nga addang ket napagnanamingan iti kallabes a panagmiting dagiti kameng ti Municipal Solid Waste Management Board a ditoy a nag-Preside ni SBM Dr. Jemaima S. Tan-Yee, Committee Chair on Environment ken inaprobaran ti Konseho Munisipal kasta metten ni Mayor Edgardo S. Cobangbang, Jr. iti alokasion para iti Ecology Center kalpasanna. 

Iti pannakiuman ti Web In-Action iti  MENRO-LGU Cabugao, imbatad ni Mr. Edgar S. Balangatan, AT, a gudua ti aldaw dagiti mangmanehar iti panagbunag ti basura kadagiti service area ken gudua met ti aldaw-da iti ag-classify kadagiti basura iti Ecology Center.

Innayonna a madagdagus a maipan iti Sanitary Land Fill dagiti non-biodegradable objects a bunagen ti service car-da. Maisamsamira met  ti panagaramidda iti carbonized rice hull a mailaok iti napaglalasin a basura tapno nadardaras a mapagbalin nga organiko a ganagan kalpasanna.

Iti pannaki-amad ti Web In-Action kadagiti LGA Tech. Personnel, imbatadda a naannayas ti panagtrabahoda ta matarusanda daytoy gapu ta sigud daytoy a trabahoda iti kaaddada  iti LGU-Cabugao a naggapuanda ken makariknada met ti ragsak ta makatulongda a mangdalus ti aglawlaw babaen kadaytoy a trabahoda. 

Dagiti sumaganad ti eskediul iti panagbunagda ti basura:

NABUBULOK: 

Lunes – (6:30 AM) Rizal, Baclig, Turod; PM  Daclapan, Sabang Namruangan.

Martes – (AM) Bonifacio, Quezon, Dardarat, Salomague; (PM)  Salapasap, Bungro, Marga-ay, Pug-os.

Huwebes – (AM)  Rizal, Baclig, Turod; (PM) Daclapan, Sabang, N amruangan.

Biyernes – (AM)  Quezon, Bonifacio, Salomague, Dardarat; (PM) Salapasap, Marga-ay, B ungro, Pug-os.

DI NABUBULOK

Miyerkules  (AM)  Rizal, Baclig, Turod; (PM) Daclapan, Sabang, Namruangan.

Sabado  – (AM)  Quezon, Bonifacio, Dardarat, Salomague; (PM)  Salapasap, B ungro, Marga-ay, Pug-os. # (Web In-Action))

No comments:

Post a Comment