Cabugao, Ilocos Sur – Nagturong ti grupo ti Municipal Social Welfare and Development Office (MSWDO) iti LGU Cabugao nga indauluan ni Mrs. Lydia S. Gazmen, MSWD Officer kadagiti 33 a barangay ti ili idi Enero 5, 2015 tapno maiyawat kadagiti nataengan iti kada barangay a pakaipaayan ti “Sagot ni Ayat 2014” nga ipapaay ni Mayor Edgardo “Ediboy” S. Cobangbang, Jr. kadagiti nakurapay a nataengan (tallo a benepisiario) iti kada barangay kas nayon a sagut ti Ama ti ili iti panawen ti pannakaselebrar ti Paskua.
Naragsak a sinarabo dagiti Opisiales ti Barangay a nagturongan ti grupo ti Taga-Munisipio ket indauluanda a timmarabay iti pannakaiyawat dagiti nadakamat a sagut a pakabuklan ti 5 kilo a bagas ken groceries iti tunggal Benepisiario. # (Web In-Action)
No comments:
Post a Comment