NAGTURPOS itay nabiit ti duapulo ket lima nga out of school youth a nagadal iti poultry raising iti BArang-ay Demo Farm iti Barangay Labnig, San Juan, Ilocos Sur.
Nasurok a makabulan ti panagadal dagiti OSY iti nasao a demo farm.
Kanaig daytoy, impakaammo ni ISCC Demo Farm Project Director Dr. Cesar Soller a mangiwayat ti TESDA iti assessment kadagiti nagadal ket no makapasada, maikkanda iti sertipiko kas pammaneknek iti panagturposda iti poultry raising.
Inesponsoran ti lokal a gobierno daytoy ken ti TESDA, naiyadal ti poultry raising kas tulongda kadagiti di nakapagtuloy nga agbasa nga agtutubo tapno adda katulonganda a pamataudan iti pagbiagda.# Adapted, Tawidnews
No comments:
Post a Comment