Cabugao. Ilocos Sur – Imbatad da Mr. Robert S. Savella, AT/Caretaker iti Municipal Plant and Nursery ken MENRO Designate Edgar S. Balangatan nga agdagup ti 15,000 a nadumaduma ti klasena a seedlings ti naiparuar iti Tawen 2014 ken nagduduma ti nagmulaan dagiti nagkalikagum a grupo wenno indibidual.
Ita a Tawen 2015, saan laeng a pagpatan-ayan ti madadaan a seedlings a maimula iti ar-aramidenda iti Municipal Plant and Nursery no di pay ket agpatanorda latta ti seedlings babaen kadagiti bukel a mapatubo a kas iti Butchina (Manila Palm), Mahogany ken dadduma pay tapno mapaadu ken adda latta ti maimula a kayo a para iti pannakasustener ti Regreening Program iti intero a mapagmulaan iti Munisipalidad.
Babaen iti panangidaulo dagiti Personnel ti DA-LGU a tultulongan dagiti JO’s ti DA-LGU, inaldaw a masibogan dagiti seedlings kasta metten a maparut dagiti agtubo a ruot tapno dumakkelda ket adda maisagsagana a maimula a para iti panagtutudo a bulbulan.
Dagitoy nga aktibidad ket paset ti direktiba ti Hepe Ehekutibo ti LGU-Cabugao para iti pannakasustener ti sapasap a programa iti panangpaberde iti aglawlaw ken panangalay-ay ti epekto ti Global Warming ken Climate Change. # (Web Situational Report)
No comments:
Post a Comment