Cabugao, Ilocos Sur – Umabot ti 70 a Boys Scouts iti Grade 4, 5, ken 6 manipud iti 26 a pageskuelaan-Elementaria ti ili a Cabugao iti agrubrubuat a kuyogen ti 21 nga Scouters (Mangisursuro) inton bigat ti Enero 14, 2015 a no sadino a ditoy ket agatendarda iti maaramid a BSP-Ilocos Sur Council Jamborette a maangay iti Brgy. San Juan-Rosario- Dinuede, Cervantes, Ilocos Sur mangrugi iti Enero 14, 2015 ken agpatingga inton Enero 18, 2015.
“Ipeksami iti naan-anay a panagyamanmi ken ni Mayor Ediboy ta tinulongannakami manen iti papanmi panagatendar iti nasao a Provincial Jamborette,” imbatad
ni Mr. Francis de la Cruz, District BSP Coordinator.
Innayon ni Mr. De la Cruz a dagiti Cabugao Boy Scouts ket mamantenerda iti kankanayon a maal-alada a pammadayaw: “Most Uniformed Scouts ken Biggest Scouts Contingent” iti tinawen a pannakaangay ti Provincial Jamborette.
Ni Mayor Edgardo “Ediboy” S. Cobangbang, Jr. iti BSP Municipal Committee Honorary Chairman. # (Web In-Action)
No comments:
Post a Comment