Cabugao, Ilocos Sur –Nagleppas ti nabukel nga eskediul iti naaramid a Family Development Session (FDS) iti Pantawid Pamilyang Pilipino Program (4 P’s) kadagiti 33 a Barangay ti ili a Cabugao, Ilocos Sur a nagrikusanda ket ita nga Enero 28, 2015 iti panagleppasna iti maysa a Topiko/Tema a nayadal.
Daytoy ket isaysayangkat ti Municipal Operations Office ti 4 P’s-MSWDO Cabugao a buklen ti Team A ken Team B nga idauluan da Ms. Jessie Ann O. Tabut ken ni Ms. Rosemarie C. Pespes kas panagsaganadda ken babaen iti panangtarabay ni MSWD Officer Mrs. Lydia S. Gazmen.
Ti kaipapanan ti Tema ket mailektiur kadagiti 4 P’s iti panagrugi ti FDS iti Enero 2015 a daytoy iti: “Pagiging Magulang at Pagiging Responsableng Magulang”.
Kabayatanna, nagtitipon dagiti 4 P’s Members ti Barangay Bonifacio ken Barangay Rizal a nagdengngeg iti inyadal dagiti naglektiur ket naangay ti Sesion-da iti Barangay Hall, Brgy. Bonifacio, Cabugao, Ilocos Sur.
Sakbayna, umabot ti dua agingga iti tallo a Barangay ti maileppasda a pagmitingan iti tunggal aldaw.
Daytoy a pro-poor program ti LGU-Cabugao ken ti DSWD ket agtultuloy a maipatungpal kadagiti Benepisiario ti 4 P’s iti 33 a Barangay ti ili a Cabugao, Ilocos Sur. # (Web In-Action)
No comments:
Post a Comment