“SUN SOAKED ILOCOS SUR BEACH FEST 2015”, NAANGAY PAY ITI TALLO A DISSO

Cabugao, Ilocos Sur – Naangay ti tallo nga aldaw, Enero  9-11, 2015 iti Surfing ken Frisbee Competition idiay Barangay Sabang ken Barangay Pug-os kas panagsaganadda, babaen iti panangtarawidwid ti Philippine Surfing Federation, kasta metten iti esponsor ni Congressman Ronald V. Singson, First District, Ilocos Sur  ken ti  Gobierno Probinsial ti Ilocos Sur nga idauluan ni  Governor Ryan Luis V. Singson. 

Iti pannaki-amad ti Web In-Action iti Surfing Coordinator, imbatadna a naggigiddan a naaramid dagiti naipabuya kas iti Dragon Boat ken Kite Boarding idiay Puro, Magsingal, Ilocos Sur kasta metten iti Surfing ken Frisbee iti ili a Cabugao, Ilocos Sur.

Innayon ti Coordinator a malaksid iti pannakaipromot ti Turismo ken Natural Resources iti lokalidad ket mairaman pay iti oportunidad iti negosio a mangpataud iti trabaho  dagiti panggep daytoy a paay-ayam ken naipabuya.

Naaramid ti Awarding iti Cabugao Beach Resort, Barangay Pug-os, Cabugao, Ilocos Sur iti karabiyan ti Enero 10, 2015. Kangrunaan a nasangaili ditoy ni Diputado Ronald V. Singson.  

Kadagiti met aldaw ti  pasalip, nakikaysa dagiti kameng ti WASAR (Water Search and Rescue)-MDRRMC Cabugao ken ti First Aid Team  ti RHU-Cabugao    nga idauluan ni Engr. Nestor B. Somera iti

LGU-Cabugao agraman ti Kapolisan ken dagiti BPATS/Tanod kadagiti nadakamat a barangay iti pannakatarabay dagiti agsasalip ken dagiti bisita kadagitoy a barangay. # (Web In-Action)