Cabugao, Ilocos Sur – Agtultuloy a maus-usar ti inted ti LGU-Cabugao nga espasio para iti “Bagsakan ti Nateng” iti igid ti Kalsada Nasional iti asideg ti NISTC Public Market, Cabugao, Ilocos Sur.
Iti panagrekurida ti Web In-Action idi Enero 29, 2015, kinuna dagiti agipalpalugan iti nateng a kapigsa ita a bulan iti panagipatulodda iti nateng a maangkat ken mailako idiay Urdaneta, Pangasinan, Balintawak, Quezon City ken Divisoria, Quiapo, Manila.
Innayon dagiti agipalpalugan a nangrugida a nagoperar idi Nobiembre 2014 ken agpatingga inton Mayo 2015 iti mapatta-patta a panagbassit ti mailakoda a nateng.
Iti panagngalay ti bulan ti Pebrero 2015, insupusopda a kanginanto ti nateng kangrunaan iti Django Pepper ken ti Bell Pepper ta nanginngina ti panaggatang dagiti mailako kadagiti Merkado ngem kadagiti Trakan nga umay aggatang nga ilakoda met iti Paktoria nga agkasapulan kadagitoy a nadakamat a nateng.
Impeksa dagiti Komersiante/Agnatnateng iti panagyamanda iti Cabugao Vegetable Growers and Producers Association ta mapapigsa manen iti panagipaluganda ti nateng ken mangnamnamada pay iti dadduma a maited kadakuada a tulong manipud iti LGU-Cabugao iti pannakatarabayda iti Bagsakan kadagiti masungad nga aldaw.
Segun ken ni Mr. Armando Azcueta, Presidente, Cabugao Vegetable Growers and Producers Association ket umab-abot iti 10 Tonelada (10,000 Kilograms) iti maipatulodda a bulto ti nateng iti inaldaw (aldaw ken rabii). # (Web In-Action)
No comments:
Post a Comment