Tuesday, August 25, 2015

2nd BATCH TI COSMETOLOGY SKILLS TRAINING, NAANGAY

Cabugao, Ilocos Sur – Maaramid  ti 2nd Batch Cosmetology Skills Training iti lima nga aldaw  para kadagiti 4 P’s Trainees  dagiti  Brgy. ti Dardarat,  Daclapan, Turod ken Salapasap,  Cabugao, Ilocos Sur a iti Agosto 24-28, 2015 iti Municipal Conference Building.


Nakikaysa ken nagsarita  iti panglukat a programa da MSWD Officer Mrs. Lydia S. Gazmen ken ni SBM Atty. Bryan Jett S. Pano, Committee Chairman on Social Services iti panagrugi ti panagsanay.

Iti mensahe ni Mayor Edgardo “Ediboy” S. Cobangbang, Jr., inggunamgunamna ti panaglalaing dagiti agsanay tapno maay-ayo met dagiti mangseminar ken awitda latta iti napintas a damag nga iyawidda  a ditoy Cabugao ket ammoda a tuntonen ti serbisio  a karbenganda ken makatulong kadakuada ket babaen iti panagtulnogda ket manaynayonan latta dagiti panagsanay nga ited ti DSWD iti pakaseknan ti pagbiagan. 

Iti nasao a panagrugi ti panagsanay, nakikaysa da  Vice Mayor DJ Savellano;  SBM Atty. Bryan Jett S. Pano, Committee Chairman of Social Services; SBM Dr. Jemaima S. Tan-Yee;  SBM Benedicto M. Savellano;  SBM Danny Q. Gazmen; SBM Josefina S. Vallejo;  MSWD Officer Mrs. Lydia S. Gazmen; Mrs. Wilma S. Cruz, Focal Person ti SLP Cabugao ken ni Mr. Dennis P. Aguimbag, SLP-PDO ti SLP-DSWD kasta metten dagiti Staff ti MSWDO-Cabugao ken 4 P’s  Municipal Link-Cabugao. # (Web In-Action)

No comments:

Post a Comment