Cabugao, Ilocos Sur – Iti panagmonitor ti Web In-Action kadagiti barangay ti Munisipalidad, naammuan kadagiti lideres ti mannalon nga iti panagbuslon ti tudo ket maalay-ayan dagiti naimula a nakirang ti pannakapadanumda maigapu iti maaw-awagan iti “dry spell” wenno panagtikag kas naipakdaar babaen iti Ahensia ti DA.
Nupay kasta, kinuna ni Municipal Rice Program Coordinator Mr. Nereo S. Daproza a napinget dagiti mannalon a mangitultuloy ti panagmulada ti pagay ket addan ti kaguduana iti natalon iti dagup ti dati a kalawa ti mataltalon iti biang ti irrigated area ken iti rainfed area iti intero a Munisipalidad iti agdama.
Dagitoy nga aksion ken inisiatiba ket gubuay ti napintek a programa iti Agrikultura ti Gobierno Munisipal nga idauluan ni Mayor Edgardo “Ediboy” S. Cobangbang, Jr. tapno makomplementaran ti regta dagiti mannalon nga agpataud ti umanay a suplay a pagtaraon kadagiti umili ken mangnayon iti masapulanda agsipud ta mayoridad kadakuada ti agdepende iti pagbiaganda iti Agrikultura. # (Web Situational Report)
No comments:
Post a Comment