Tuesday, August 18, 2015

NABALLIGI TI MAIKADUA A SABADO TI MATH CLASS

Cabugao, Ilocos Sur – Naangay ti Math Class iti tallo  a pageskuelaan ti Cabugao DepED District iti intero a Munisipalidad ti Cabugao idi Agosto 16, 2015. Dagiti dua  a pageskuelaan ket   iti Cabugao South ken North Central School a pannakasentro ti Math Class kadagiti pageskuelaan  ti ili a Cabugao, Ilocos Sur.

Iti pannakiuman ti Web In-Action idi Agosto 16, 2015, imbatad dagiti kaaduan a nagannak/guardians kadagiti napili nga ubbing a naanus a nagbantay iti ruar ti klase a maragragsakanda ta maipamaysa a masanay dagiti annakda iti Subject a Math.

Kadagiti met ubbing a nairaman kadaytoy a panagsanay ket kayatda met a takuatan ti kabaelanda ken maibilang a parte ti pannakadisiplinada daytoy nga aktibidad nga iwayat ti DepED.

Innayon dagiti mangisursuro a maobserbaran  a kaaduan kadagiti nagenrol nga agbasbasa ket pagduyosanda ti Matematika ken isuda ti kaaduan a maikonkontes iti sabali pay nga asignatura iti benneg ti Distrito ken Division ti DepED. # (Web In-Action)

No comments:

Post a Comment