Tuesday, August 18, 2015

BUB PROJECTS CONSULTATION ITI FISHERIES SECTOR, NAARAMID

Cabugao, Ilocos Sur – Naangay ti Consultation kadagiti lideres ti mangngalap iti lima a Coastal Barangay  kas iti Brgy. Dardarat, Salomague, Sabang, Pug-os ken Salapasap pakaseknan iti pannakaipatungpal ti proyekto ti Bottom-up Budgetting (BuB)  ti LGU-Cabugao nga aggatad iti P500,000 para iti Marine Reserves and Fish Sanctuaries kadagitoy a barangay. Naaramid ti konsultasion iti Municipal Conference Building iti Agosto 18, 2015.

Indauluan ni MFARMC Chairman Danny S. Garcia dagiti padana a lider-mangngalap a nakisarsarita kadagiti mangipatungpal iti BUB iti ili a Cabugao nga ibagian ni Mr. Edgar S. Balangatan, AT, Focal Person ti nasao a programa ti NAPC ken DILG.

Nangipaay met ti mensahe ni SBM Benedicto M. Savellano, Committee Chairman on Agriculture, Fisheries and Cooperatives. Kimmablaaw ken nagyaman ti Konsehal iti anep dagiti Opisiales ti Fishermen Association iti lima a Coastal Barangay ti ili a makipagnaming iti mapagkaykaysaan/pannakaipatungpal dagiti proyekto iti Sektor-Pagikanan agsipud ta isuda met laeng iti mabenepisiaran kadaytoy a pagsayaatan a maited.

Nagsarita met ni MFARMC Chairman Danny S. Garcia ken agak-akem pay a PFARMC President ti Ilocos Sur ket bininsana dagiti pagdurdur-asanda a mangngalap babaen iti panangikalikagum ti DA ken BFAR.

Nagatendar met ni Municipal Fisheries Coordinator Milagros R. Paz, AT iti daytoy a nadakamat a konsultasion. # (Web In-Action)

No comments:

Post a Comment