Tuesday, August 25, 2015

FISH PROCESSING SKILLS TRAINING, NAGLEPPAS

Cabugao, Ilocos Sur – Nagleppas ti tallo nga aldaw ti panagsanay dagiti 4 P’s Recipients iti Barangay Daclapan, Namruangan, Sabang ken Dardarat,  Cabugao, Ilocos Sur idi Agosto 20, 2015 ket naangay ti graduasionda iti Covered Court, Barangay Daclapan, Cabugao, Ilocos Sur.


Sakbayna, nai-award dagiti tool kits dagitoy a nagsanay iti Municipal Conference Building babaen iti panangimatang dagiti Opisiales ti ili nga idauluan ni Mayor Edgardo “Ediboy” S. Cobangbang, Jr.

Umabot ti 34 a 4 P’s ti nangilepeppas kadaytoy a kurso nga inggannuat ti Sustainable Livelihood Program ti DSWD ken nakikammayetan ti LGU-Cabugao para kadagiti makasapul ti panggedanda a marigrigat nga umili  kadagiti Coastal Barangay ti ili.
Iti nasao a graduation activity, nakikaysa ni Vice Mayor DJ Savellano, SBM Atty. Bryan Jett S,. Pano, Committee Chairman of Social Services; SBM Dr. Jemaima S. Tan-Yee;  SBM Benedicto M. Savellano;  MSWD Officer Mrs. Lydia S. Gazmen; Mrs. Wilma S. Cruz, Focal Person ti SLP Cabugao ken ni Mr. Dennis P. Aguimbag, SLP-PDO ti SLP-DSWD kasta metten dagiti Staff ti MSWDO-Cabugao ken 4 P’s  Municipal Link-Cabugao. # (Web In-Action)

No comments:

Post a Comment