Monday, August 10, 2015

5-DAY COSMETOLOGY TRAINING, KAMENG TI 4 P’S DAGITI AGSANAY

Cabugao, Ilocos Sur – Maaramid ti Cosmetology Skills Training (Manicure, Pedicure, Foot Spa ken Hands Spa)  a  para kadagiti 4 P’s Beneficiaries ti Brgy. Namruangan ken Barangay Sabang, Cabugao, Ilocos Sur mangrugi iti Agosto 10, 2015 agingga iti Agosto 15, 2015 iti Municipal Conference Building, Cabugao, Ilocos Sur.


Iti Opening Program, nangipaay ti mensahe ni MSWD Officer Mrs. Lydia S. Gazmen iti panagrugi ti panagsanay. Kimmablaaw ken nagyaman kadagiti Opisiales dagiti nagkakammayet nga Ahensia ti DSWD, LGU-Cabugao  ken ti TESDA-Ilocos Sur nga idauluan ni Provincial Director Joel L. Pilotin kadaytoy a maipaay manen a proyekto a nayon a tulong kadagiti 4 P’s Recipients ditoy nga ili babaen iti Sustainable Livelihood Program (SLP) ti DSWD.

Innayon ni Mrs. Gazmen a lalaingen koma dagiti recipients ti mangimdeng kadagiti maiyadal kadakuada tapno adda usarenda a pagtegged a makatulong iti bagbagida ken iti pamiliada.



Nakikaysa ken nagsarita ni SBM Atty. Bryan Jett S. Pano, Committee Chairman on Social Services. Kinunana a libre daytoy a panagsanay ken awanto ti makaagaw iti magun-odda a sirib ken sertipiko nga aggapu iti TESDA. Dinakamat ti Konsehal dagiti naballigi nga immuna a panagsanay:  Tilapia ken Malaga Culture Skills Training ket kunana nga adda pay sumarsaruno a  training a maaramid a kas iti fish processing ken  ti rice cracker making. Insupusop ni SBM Pano nga uray inaldaw iti maaramid a panagsanay ta makaited iti pagsayaatan dagiti umili ti Cabugao.


Kimmablaaw ken nagyaman ni TESDA Provincial Director Joel L. Pilotin ta madakdakamat latta ti TESDA kadagitoy a panagsanay. Innayonna nga iti pannakaipatungpal ti Bottom-Up Budgeting (BUB) ditoy Cabugao ket mairamandanto manen iti TESDA  a  mangipatungpal kadagti proyekto a naaprobaran.

Dinayaw ni PD Pilotin iti kammayet dagiti Opisiales ti ili a Cabugao a man gsarabo kadagitoy a panagsanay ket b ininsana ti pateg ti  pagsayaatan nga itden dagiti TESDA Training ta maikkan  dagiti recipient-trainee iti National Certificate a mabalinda nga usaren iti panagtrabahoda uray pay iti abroad. Insupusop ni PD Pilotin  nga aramidenda a dumalan iti assessment ti gapuanan dagiti immuna  a nagsanay iti SLP tapno mairamanda metten a maikkan iti nadakamat a sertipiko.

Nakikaysa iti opening program da SBM Danny Q.  Gazmen; SBM Vicky S. Serna; SBM Jayhan Alcid-Tan; SBM Josefina S. Vallejo; SBM Benedicto M. Savellano agraman dagiti Staff ti MSWDO nga idauluan ni MSWD Officer Mrs. Lydia S. Gazmen. # (Web In-Action)

No comments:

Post a Comment