Thursday, August 6, 2015

MALAGA CULTURE SKILLS TRAINING, NAGSANAY DAGITI 4 P’s TI BRGY. DARDARAT

Cabugao, Ilocos Sur – Naaramid ti Malaga Culture Skills Training  para kadagiti 4 P’s Beneficiaries ti Brgy. Dardarat, Cabugao, Ilocos Sur nangrugi idi Agosto 4, 2015 iti Barangay Covered Court.


Nakikaysa ken nagsarita iti panagrugi ti panagsanay da MSWD Officer Mrs. Lydia S. Gazmen ken ni SBM Atty. Bryan Jett S. Pano, Committee Chairman on Social Services agraman dagiti naggapu iti OPAG-Ilocos Sur. 

Iti Day 1, Agosto 4, 2015, naangay ti Hands-on wenno aktual a panagadal ti inaramid dagiti nagsanay babaen iti papanda a mismo iti nagamidanda kadagiti fish cages a pagpatan-ayanda ti Malaga Fingerlings a maited a pagpuonanda iti proyektoda.


Iti Day 2, Agosto 5, 2015, naruk-atan dagiti Feeds a maisangrat a para iti daytoy a proyekto ket inimatangan dagiti Opisiales ti Munisipio nga idauluan ni Mayor Edgardo “Ediboy” S. Cobangbang, Jr. iti pannakaiyallawat dagitoy a kasapulan dagiti maseknan a para iti proyekto.

Babaen iti pannakiuman ti Web In-Action ken ni Mr. Dennis Aguimbag, SLP/Project Development Officer III ti DSWD, kinunana a kangrunaan a panggep ti programa a tulongan dagiti 4 P’s a mangiyagpang iti kabaelanda iti kabisadoda a pagkakitaan. Mangnamnama ti Opisial ti DSWD a masustener dagitoy a proyekto a maited babaen iti napintas a panagtitinnulong dagiti Ahensia ken Opisina kadagiti maseknan itoy a  proyekto.

Insupusop pay ni Mr. Aguimbag nga agtultuloy daytoy a programa ti DSWD ditoy nga ili  ket manamnama nga agsaknap a mairaman pay iti ad-adu a barangay a lugar dagiti masanay iti kabaelanda. Sumarsaruno a maiyadal ket iti maipapan iti panagaramidan ti  Rice Cracker; Meat Processing ken iti Cosmetology (Foot Spa). # (Web In-Action) 

No comments:

Post a Comment