Cabugao, Ilocos Sur – Agtultuloy a maangay ti Family Development Session (FDS) kadagiti kameng ti Pantawid Pamilyang Pilipino Program (4 P’s) iti kada barangay iti ili ti Cabugao iti bulan ti Agosto 2015.
Iti pannaki-amad ti Web In-Action iti DSWD Municipal Link, Cabugao, ti Topiko itatta a bulan ti Agosto 2015 a kangrunaan a maiyad-adal kadagiti 4 P’s Beneficiaries ket napauluan iti: “Pangangalaga sa Ina at Sanggol” ken agpapaay a Resource Speakers dagiti kameng ti RN-Heals Nurses iti RHU-Cabugao.
Kabayatanna, maar-aramid pay ti Assessment dagiti Pantawid Beneficiaries tapno maammuan ti kasasaad ti tunggal household kadagiti barangay maibasar kadagiti Special Welfare and Development Indicator.
Imbatad ni Ms. Rosemarie Pespes, Staff ti DSWD Municipal Link nga addan innem a barangay a naileppasda a dagitoy ti Brgy. Rizal, Bonifacio, Turod Patac, Nagsantaan, Cael-layan ken Pug-os.
Ti implementasion ti 4 P’s ket pagkammayetan a programa ti DSWD ken ti LGU-Cabugao nga idauluan ni Mayor Edgardo “Ediboy” S. Cobangbang. Jr. tapno mairagpat ti kasasaad dagiti napanglaw a pamilia ket agbalinda a produktibo ken naresponsable nga umili ti Cabugao. # (Web In-Action)
No comments:
Post a Comment