Friday, August 28, 2015

RICE CRACKER TRAINING, NAGSANAY DAGITI 4 P’s TI 5 A BARANGAY

Cabugao, Ilocos Sur – Naaramid ti One-Day Rice Cracker Skills Training  para kadagiti 47 a 4 P’s Beneficiaries ti Brgy. Bonifacio, Bungro, Alina-ay, Aragan ken Arnap, Cabugao, Ilocos Sur idi Agosto 27, 2015 iti  Cabugao Cultural and Sports Complex, Brgy. Rizal,  Cabugao, Ilocos Sur.


Nakikaysa da MSWD Officer Mrs. Lydia S. Gazmen  ken dagiti MSWDO Staff iti panagrugi ti panagsanay.

Iti Day 1, Agosto 27, 2015, kalpasan a nailawlawag ni Ms. Bella Gervacio, Director of Extension, MMSU Batac City iti panggep ken aramiden dagiti agsanay,  naangay a dagus ti Hands-on wenno aktual a panagadal/panagsursuro  iti inaramid dagiti nagsanay babaen iti papanda a mismo iti nakaiplastaran ti pagaramidanda iti rice cracker. Kangrunaan a Trainor a nagidemonstrar kadagiti nagsanay iti aramidenda ket ni Ms. Ferryanne Acevedo ken maysa a kaduana a lalaki ken naggapuda iti MMSU-Laoag City, College of Industrial Technology.


Iti pannakiuman ti Web In-Action ken ni Mr. Dennis Aguimbag, SLP/Project Development Officer III ti DSWD, kinunana a kangrunaan a panggep ti programa a tulongan dagiti 4 P’s a mangidur-as iti kabaelanda iti matarusanda  a pagkakitaan. Mangnamnama ti Opisial ti DSWD a mataginayon dagitoy a proyekto a maited babaen iti napintas a panagtinnulong ti Ahensia ti DTI, LGU ken kadagiti maseknan a nagsanay babaen  itoy a  proyekto.

Insupusop pay ni Mr. Aguimbag nga agtultuloy ti Sustainable Livelihood a programa ti DSWD ditoy nga ili. 

Nagatendar da Mayor Edgardo “Ediboy” S. Cobangbang, Jr. ken ni Vice Mayor DJ Savellano iti panagleppas ti panagsanay. Imbaga ni Mayor Ediboy a lalaingenda nga ipakat ti naadalda ket pinagyamananna ta nalakada a nakasursuro ket im palagipna a nakagasgasat dagitoy a nagsanay ta awan ti makaagaw ti inadalda ken dagiti naiyawidda a ramit para itoy a pinagsanayanda. Inimatangan dagiti  dua nga Opisiales ti ili iti pannakaibunong dagiti materiales nga usaren dagiti nagsanay. # (Web In-Action) 

No comments:

Post a Comment