Friday, August 28, 2015

MEAT PROCESSING SKILLS TRAINING, NAGSANAY DAGITI INNA ITI BARANGAY

Cabugao, Ilocos Sur – Naaramid ti Meat Processing Skills Training  para kadagiti inna/amma  nga interesado a maaddaan ti pagkakitaan manipud kadagiti Asosasion  iti las-ud dagiti 33 a barangay ti Cabugao, Ilocos Sur. Naaramid ti panagsanay idi Agosto 27, 2015 iti Brgy. Rizal Park, Cabugao, Ilocos Sur.


Kalpasan a nailawlawag ti Trainor ti Department of Industry (DTI) iti panggep ken aramiden dagiti agsanay,  naangay a dagus ti Hands-on wenno aktual a panagadal/panagsursuro  iti inaramid dagiti 25 a nagsanay babaen iti papanda a mismo iti nakaiplastaran ti pagaramidanda iti embutido. Kangrunaan a Trainor a nagidemonstrar kadagiti nagsanay iti aramidenda ket dagiti kakadua ni Mr. Yolando Quiocho,  DTI Officer, Vigan City a Trainor a naggapu iti UNP, Vigan City.

Iti pannakiuman ti Web In-Action ken ni Mr. Quiocho ket  kinunana a kangrunaan a panggep ti programa a tulongan dagiti inna ken uray dagiti amma a mangiyagpang iti kabaelanda iti matarusanda a pagkakitaan kas itoy  tapno manayonan ti matgedanda. Mangnamnama ti Opisial ti DTI a mataginayon dagitoy a proyekto a maited babaen iti napintas a panagtinnulong ti Ahensia ti DTI, LGU ken kadagiti maseknan a nagsanay babaen  itoy a  proyekto.


Innayon ti DTI Officer a naggapu ti pundo ti nasao a panagsanay iti Gender and Development (GAD) iti Ahensia ti DTI. 

Insupusop pay ni Mr. Quiocho a maitalek dagiti pagaramidan ti produktoda a kas iti embotido, Longganisa ken Tocino iti DA-LGU babaen ken ni Mrs. Joenah G. Sevilleja, AT kas koma iti Grinder, Tangke & Burner ti paglutuan ken kasapulan a ramramit a mausar kabayatan a maipatungpal daytoy a proyekto iti biang dagiti maseknan. Dagiti ramit ket dagitoy ti pannakabagi ti DTI a maited kadagiti agsanay ket iti met Merienda ken ti Makan iti pannakabagi ti LGU-Cabugao iti naaramid a panagsanay. # (Web In-Action)

No comments:

Post a Comment