Friday, August 7, 2015

FEDERATED FARMER’S MEETING, TRINATARDA TI PANAGMULADA TI MAIS

Cabugao, Ilocos Sur – Naangay ti Regular  Meeting dagti kameng ti  Cabugao Federated Farmers Association nga idauluan ni Mr. Elmer Guerrero Bromeo iti 2nd Floor, Municipal Building, Cabugao Ilocos Sur idi Agosto 4, 2015.

Kangrunaan a trinatarda ket maipapan iti nasiken a panagplanoda iti pannakaipatungpal ti panagmulada ti mais (Ryan Corn Variety) ken dagiti mannalon para iti  panagmumula iti Oktubre 2015.

Nainayon a trinatarda ti pagdurdur-asan ti Plant Now Pay Later (PNPL) a programa ti Departamento ti Agrikultura (DA)  ken iti pakaseknan dagiti saan pay a nakamula iti pagay a maka-avail iti Soft Loan nga itden ti Munisipio kadagitoy tapno adda mausarda iti panagtalonda iti Wet Season 2015 (Hunio-Nobiembre).

Tinamingda pay iti panangpasayaatda kadagiti rekord ti asosasionda, panangpatibkerda kadagiti Asosasion a masakupanda   ken kadagiti Financial Statement-da kasta metten kadagiti Member-Association.

Timmulong ni Mr. Nathaniel B. Galamgam, AT, Municipal Farmers’  Association Coordinator a nagtaming kadagiti napagsasaritaanda.  # (Web In-Action)

No comments:

Post a Comment