Sunday, August 30, 2015

PAY-OUT TI SOCIAL PENSION TI SENIOR CITIZENS ITI 2nd QUARTER, NAANGAY

Cabugao, Ilocos Sur – Naangay ti pay-out wenno pannakaited  ti Social Pension  ti 680 a  Beneficiaries (babbaket ken lallakay)  a kameng ti Senior Citizens  ti  ili a Cabugao ket inawatda ti tallo a  bulan  a  para iti 2nd   Quarter ti 2015 a pensionda manipud iti DSWD Region 1 iti Municipal Conference Building, Cabugao, Ilocos Sur idi Agosto 29, 2015.


P500 ti kada bulan ti naituding nga awaten ti maysa a Beneficiary. Agdagup ti tallo  a bulan (Abril, Mayo ken Hunio 2015)   iti naawatda  iti tunggal maysa.

Iti pannaki-amad ti Web In-Action iti Setiembre 1, 2015, impakaammo  ni Mrs. Lydia S. Gazmen, Municipal Social  Welfare Development Officer ti LGU-Cabugao nga umabot ti nasurok aP1,020,000  ti dagup ti gatad a naited kadagiti 680  a benepisiario.

Nagatendar  iti nasao a pay-out activity da Vice Mayor DJ Savellano;  MSWD Officer Mrs. Lydia S. Gazmen, SB Member Atty. Bryan Jett S. Pano, Committee Chairman  on Social Services;   OSCA Head Mr. Remigio Sunico ken ti pannakabagi ti DSWD ken dagiti kameng ti MSWD Office ti LGU-Cabugao. # (Web In-Action)

No comments:

Post a Comment