Thursday, August 13, 2015

NASAGANAAN TI ITATAUD KOMA MANEN TI DENGUE

Cabugao, Ilocos Sur -  Iti pannaki-amad ti Web In-Action  idi Agosto 12, 2015, impakaammo ni Dr. Bernardino P. de Gracia  III, Municipal Health Officer ti ili a Cabugao a kinalikagumanda a naaksionan a dagus no adda idi pakaseknan maipapan iti panagtaud  ti lamok a makadangran  a mangapektar ti salun-at dagiti umili ti Cabugao isu a saanen a rimsua daytoy a sakit.

Imbatad ni Dr. De Gracia a nasaganaanda ti itataud ti dengue a sakit uray pay kadagiti barangay gapu iti tignay-medikal   a naigannuat iti kallabes kas iti pannakaited ti 2,000 nga Oviposition (OV)-Trap nga impaay ti DOH Regional Office 1 iti LGU-Cabugao  para iti daytoy a pakaseknan ti salun-at. Innayon ni Dr. De Gracia a babaen pay  iti pannakaasikaso ti  masakit  iti dengue   ket nasigudda  a maagasan tapno saan a mapakaruan ti maseknan.

Insupusop pay ni Dr. De Gracia nga nga inaramidda dagiti information initiatives kontra iti dengue iti kallabes. Panagdaldalus ti aglawlaw ken  iti pagtaengan, panangipakbo kadagiti nagurnongan ti danum  ken madalusan dagiti nasamek a disso  a posible a pagyanan  ti lamok dagiti kaskenan a praktikal  a wagas  a naisursuro kadagiti immay a nagpaagas iti RHU. 

Dagitoy nga aksion ken inisiatiba ket naaramid babaen iti nasamay a programa ken iti  agtultuloy a pannakikammayet  ti LGU-Cabugao kadagiti  maseknan nga Ahensia/Opisina  kas iti DOH iti pannakalapped ti panagsaknap  ti nadakamat a sakit nangruna koma  kadagitoyen  a bulbulan. # (Web In-Action)

No comments:

Post a Comment