BUWAN NG WIKA, SINELEBRARAN TI CABUGAO SOUTH CS

Cabugao, Ilocos Sur – Sinelebraran ti Cabugao South Central School, Brgy. Bonifacio, Cabugao, Ilocos Sur ti Buwan ng Wika nga addaan ti Tema: “Filipino: Wika ng Pambansang Kaunlaran” iti Agosto 27, 2015 iti CSCS Open Auditorium ti nasao a pagadalan.

Narugian ti panagselebrar babaen iti panagkararag. Kalpasan ti Pambansang Awit, naipaay ti Bating Pagtanggap.

Nangted ti Mensahe ni Gng. Melvi S. Sajonia, School Principal II iti nadakamat a pagadalan. Inawisna ti amin a nagatendar a buyaenda ti naisangsangayan nga insagana ti pagadalanda iti panangselebrarda  ti pannakaipasngay ti Nailian a Pagsasao a Tagalog iti bulan ti Agosto 2015.

Naisaruno  ti Paradang Kasuotan dagiti 16 a pareha ti agad-adal a babbai ken lallaki babaen iti nagduduma nga estilo ti aruatda a dagitoy ti agsasalip iti Ginoong  at Binibining Wika. 

Kalpasan dagiti Intermisyon Number, nangipaay ti Mensahe ni Dr. Concesa T. Rumias, Public Schools District Supervisor ti ili a Cabugao. Kimmablaaw ken dinayawna ti maipakpakita a kinaresponsable dagiti ubbing ta isuda ti katulonganen  dagiti Teachers a mangtarawidwid iti programa iti pannakaselebrar ti pannakaipasdek ti Wikang Pambansa. Innayonna a napateg a lagipen daytoy a naipatawid a saguday dagiti agad-adal a Pilipino.

Naisaganad ti Headstart-Sayaw; Grade II, Awit/Sabayang Pagbigkas; Grade III, Sayaw; Grade IV, Awit/Tula; Grade V, Awit/Tula; Grade VI, Sabayang Pagbigkas/Awit.

Iti Awarding Ceremony, kinoronaan da Dr. Concesa T. Rumias, Public Schools District Supervisor  ken ni Aragan E/S Head Teacher Mr. Carlito Anor ti Ginoong at Binibining Wika 2015.

Sash ken Trophy met ti naiyawat babaen kadagiti  Donors iti G. at Bb. Balagtasan idinto ta Sash ken Trophy ti inyawat dagiti Donors iti biang ti G. at Bb. Makata.

Mensaheng Pasasalamat ti impaay dagiti Mangisursuro iti taraudi ti programa. Nagyamanda  iti amin a nagatendar kasta metten  dagiti Opisiales ti PTA, nagannak, ken  bisita  a nakidanggay iti  naballigi a pannakaipatungpal ti selebrasion ti Buwan ng Wika ti  Cabugao South Central School. # (Web In-Action)