Tuesday, August 4, 2015

LGU KEN TI DPWH, AGTULTULOY NGA AGTINNULONG ITI PANAGDALDALUS

Cabugao, Ilocos Sur –Agtultuloy a makiko-koordinar ti Clean and Green Program Personnel  ti Munisipio ti Cabugao iti DPWH District 1,  Bantay Office, Ilocos Sur iti  pakaseknan ti pannakadalus ken pannakamantener ti Kalsada Nasional ita a Tawen 2015. Segun ken ni Mr. Edgar S. Balangatan, AT, MENRO, nga agtultuloy ita ti koordinasion dagiti nadakamat a grupo iti regular a pannakamantener ti kinadalus ti National Highway iti mabatogan ti Munisipalidad manipud iti Brgy. Sagayaden agingga iti Brgy. Pug-os.

Innayon ni MENRO Balangatan a makikokoordinar-da pay  kadagiti Opisiales ti Barangay a mabatogan ti National Highway tapno tumulongda a makipagdalus a parte  met iti pannakikaysada iti Clean and Green Program ti Munisipio.

Irugi met ti DPWH Maintenance Section iti Brgy. Pug-os (Near Bimmeclat Bridge) ket makisinnabatda nga agdalus iti agsumbangir ti kalsada agraman dagiti rangtay a masakupan ti Kalsada Nasional. Tumultulong pay dagiti kameng ti DPWH Maintenance Group a makipagdalus kadagiti arubayan dagiti dadduma a pasilidad ti Gobierno kas iti Judiciary no makiddaw ti itutulongda.

Innayon ni Mr. Balangatan a linawas a wanasenda ti stretch ti Brgy. Sagayaden - Brgy. Pug-os a dalusan ken bunagen ti dadduma pay a ruot iti kalsada ken monitorenda met iti panagdakkel ti ruot ket apaman a mabalinda a dalusan manen ket ditoyen nga ag-grass cutter-da.

Daytoy a koordinasionda iti DPWH ket agtultuloy a mangpasayaat iti buya ti Kalsada Nasional a mayataday pay  iti pannakaipromot ti Turismo iti ili. # (Web In-Action)

No comments:

Post a Comment