Monday, August 10, 2015

KALPASAN TI 6-DAY TRAINING, MAIDEPLOY DAGITI ENUMERATORS

Cabugao, Ilocos Sur – Naangay ti 6-Day Training dagiti 34 nga Enumerators (ag-census) ti ili a Cabugao, Ilocos Sur iti Municipal Conference Building ditoy nga ili a nangrugi idi Agosto 3 agingga iti Agosto 8, 2015 babaen iti panangigannuat ti Philippine Statistics Authority (PSA). 


Iti naangay a Flag Retreat idi Agosto 7, 2015, inulit a kinasarita ni Mayor Edgardo “Ediboy” S. Cobangbang, Jr. dagiti Enumerators (Trainees) a masapul nga ipakatda dagiti inyadal ti PSA   tapno  napintas ti magapuananda ken napintas ti pannakilangenda kadagiti bumarangay a makapulapolda agsipud ta itaktakderda ti Munisipio a kakammayet ti PSA kadaytoy a trabaho a naipabaklay kadakuada.

Naballigi a nagleppas ti panagsanay.

Kalpasan ti Flag Ceremony iti Agosto 10, 2015, nangited met ti pammalagip ni SBM Atty. Bryan Jett S. Pano, Committee Chairman on Social Services kadagiti Enumerators a nagatendar iti Flag Ceremony. 

Kangrunaan nga anag ti panagsarita ni SBM Pano ket ti pannakaala dagiti eksakto a datos iti matrabaho  dagiti ag-census. Nasapa ken naregtada a dimteng dagiti Enumerators  iti umuna nga aldaw a pannakaideployda iti a mapan kadagiti barangay a pakaidesignaranda. # (Web In-Action)

No comments:

Post a Comment