Cabugao, Ilocos Sur – Segun ken ni Mr. Edgar S. Balangatan, AT, MENRO a marugianen ti pannakaiwaras dagiti napatan-ay a bamboo seedlings kalpasan iti naaramid a Community Propagation ti Kawayan Seedlings kadagiti barangay a pagnaedan dagiti nag-Training ti Bamboo Production kadagiti 33 a barangay ti ili ti Cabugao, Ilocos Sur.
Innayon ni Mr. Balangatan a kalpasan ti pannakaidemonstrar sakbayna ti panagpatubo ti Kawayan Seedlings iti Municipal Bamboo Nursery babaen kadagiti pannakabagi ti Philippine Bamboo Foundation nga idauluan ni Mr. Edgardo Manda, Manager, ket determinado dagiti Cabugao Bamboo Trainees a makapatuboda met iti barangayda ket dagiti naurnong a seedlings ket naidepositoda iti Municipal Bamboo Nursery a pangtingitinganda iti disso a pakaimulaanda.
Dagiti barangay a nawarasanen babaen iti serbisio dagiti LGU Personnel a napan nagidanon kadagiti seedlings ket dagiti sumaganad:
1. Turod Patac – 250 Seedlings.
2. Alina-ay – 250 Seedlings.
3. Aragan – 150 Seedlings.
4. Carusipan – 250 Seedlings.
Narugian ti panagiwarasda idi Agosto 19, 2015 ken Agosto 20, 2015.
Dagitoy nga aksion ken inisiatiba ket maigapu iti naregget a programa ti LGU-Cabugao a mangitandudo ti “One Town-One Product” iti Bamboo Production ti LGU ken ti Gobierno Probinsial para iti pagsayaatan dagiti umili ken dagiti mannalon iti intero a Probinsia ti Ilocos Sur. # (Web In-Action)
No comments:
Post a Comment