Tuesday, December 6, 2011

3OTH BSP-ILOCOS SUR COUNCIL JAMBORETTE, NAIGIDDAN TI 75TH ANNIVERSARY TI BSP KEN SENTENARIO (1911-2011) TI ILI A CAOAYAN, ILOCOS SUR

Cabugao, Ilocos Sur (Disiembre  6, 2011) – Umabot iti 120 a Boys Scouts  iti Grade 4,5, ken 6 manipud iti 23 a pageskuelaan-elementaria ti ili a Cabugao a tinarabay ti 17 nga Scouters  malaksid iti delegasion ti  tallo kadagiti pageskuelaan sekundaria ti ili a Cabugao  a nagatendar iti  30th BSP-Ilocos Sur Council Jamborette a naangay iti Camp Germelina Singson Goulart,  Brgy. Nansuagao, Caoayan, Ilocos Sur a  nangrugi  iti Disiembre 1 ken nagpatingga iti Disiembre 4, 2011.
Iti Disiembre 2, 2011, nagturong ti pannakabagi ti Website Cabugao iti Jamboree Site. Nupay nalulem ti tangatang, naregget dagiti opisiales ti Scout iti nadumaduma nga ili  a nangiwardas kadagiti aktibidadesda ken mapagsasalipan nga ay-ayam iti nalawa a pannakasentro ti Jamboree Site.

Nupay nasulinek ti disso ti Jamboree Area ti Barangay Nansuagao, nalaka a masurotan ti kongkreto a kalsada ken adda pagsurotan a paskin apaman a makastrekka iti Arko ti ili a Caoayan. Nupay naipatto-pattok ti kamkamaisan, nadappatan ti tent ti nalawa a kapanagan ti Barangay Nansuagao. Iti sungadan ti Jamboree Site, alerto dagiti mangiturturong ti linak ken talna a kapolisan ken mangtimon kadagiti sumrek-rummuar a lugan. Nakabantay met dagiti grupo ti Medic ken Red Cross iti asideg ti Police Outpost. Sistematiko ti pannakaurnos dagiti motor ken behikulo iti ruar ti inaladan.

Iti uneg, maaramid latta ti panagyaw-awag dagiti maseknan nga Scouters a mangasikaso kadagiti nakaeskediul nga aktibidades ti aldaw. Adda naaramid a pannakaentablado iti amianan ti sumrekan. Adda naituding nga ar-aramiden dagiti Scouts kadagiti tent. Adda aglutluto, agisimsimpa, ken mapan agsakdo ti pagsareb ken mainum iti nakapaksol a water mobile truck  nga indestino da Congressman Ryan Luis V. Singson ken Gov. Chavit Singson iti uneg ti Jamboree Site.

“Padas dagitoy dagiti ubbing ken agtutubo a narigat a mapunas ti lagipda. Addanto met masarsaritada kadagiti kaputotanda gapu iti kina-scoutda,” kuna ti maysa nga Scouter a nakapatangmi. “Sabali a sam-it ti padas iti namayengmeng ken natalna a lugar. Maiduma ti gubuayenna iti kaaduan a padas iti sibay ti karayan, baybay ken sakaanan ti bantay a pag-Jamboree-an!”

“Marikna ti nangatngato a  pateg ti panagtutunos ken panagalibtak no addaka iti sabali a lugar,” imbatad ni Mr. Francis  A.  de la Cruz, Cabugao District BSP Coordinator. 


Nagaassideg ken dandani nagdidippit ti nagkampuan dagiti taga-Cabugao.    
  
Akinsango  ti kampo dagiti  delegasion ti sekundaria kas iti Cabugao Institute, Cabugao NHS ken Lipit NHS. Saan a nakadar-ay ti Pug-os NHS ken Sisim NHS.

          NAYETNAG A MASUROT NGA URNOS TI MAARAMID
01 December (Thursday)
                ACTIVITIES
REGISTRATION
Grand Parade Eucharistic Celebration & Opening Program
Boy & Senior Scouting Modules
Staff & Coordinators’ Conference
First/Last Canvassing: Search, Most Popular Scouts
Pardas Caoayan, Video Presentations
02 December (Friday)
Morning routine (reveille, clean-up & inspection, roll call, physical fitness.
Jambo-Eco Race-Go Green!
Jambo-Eco-Zoo Trails, Baluarte Resort
First Aid & Rescue/Transfer, Flaglet on Pole Raising, Applied Rope Work (Try me Knot)
Global Development Village (Community Service-Clean Up)
Grand Coronation Rites: Investiture of the Royal Scouts
STAFF Meetings
03 December (Saturday)
 Same as December 2 activities
Campsite Development/Synchronized Morning Praise and Flag Rites
Chess Challenge Relay, Fire Building & Survival Cooking, Scout Signed Ideals Relay
Scout Chariot Race, Markmanship/ Bamboo Achery, Flight of the Bamboos (Kites)
Suspended Flagpole Raising, Water Challenge/Chariot Rafter, Semaphore Signaling, Extemporaneous Speech Contest
GRAND CAMPFIRE, Special Recognition Rites and Raffle Draw
04 December (Sunday)


GRAND CLOSING PROGRAM & Awarding Ceremonies
Scouting Modules (T/O) Scout Ideals, Knots & Lashings, Basic First Aid & Rescue, Scout Crafts/Pioneering Projects, Fire Lays &  Signals, Orienteering/Estimation, Scouting Games/Martial Arts, Water Adventure, Sarangolahan & Bamboo Exhibits
Special Events: Markmanship, Fear Factor (Exotic Foods), Boat/Raft Riding
Jamboo Eco-Zoo Logical Tours;  Places to Visit: Pandan Sea Port, Alad Bar, Fuerte Beach Resort, Heritage Resort, Caoayan Abel Weavers, Baluarte Zoo, NSCC Plaza, Heritage Village & River Cruise.
BREAK CAMP (Clearing Operation), Homeward Bound…


Sinaguday ti Council Memo No. 4 Series 2011 da Vice Gov. DV Savellano, BSP Council Chairman, Dr. Marino S. Baytec, CSEE, Schools Division  Superintendent ken Council Scouting Commissioner ken Dr. Gil P. Savellano, OIC-Council Scout Executive, ti nakagrupoan ti tunggal ili a Sub-camp:

SUB-CAMP 1
Cabugao; Caoayan; Alilem-Sugpon; Sta. Cruz; Suyo; Tagudin; Vigan City 1,2,3.
SUB-CAMP 2
Banayoyo-Lidlidda-San Emilio; Burgos-San Esteban; Candon City 1, 2; San Juan, Santa; San Vicente
SUB-CAMP 3
Bantay; Sta. Catalina; Sinait; Galimuyod-Salcedo-Del Pilar-Sigay; Santiago; Sta. Lucia.
SUB-CAMP 4
Cervantes-Quirino; Santo Domingo-San Ildefonso; Sta. Maria; Magsingal; Narvacan North; Narvacan South-Nagbukel
         
Dagiti sekundaria (pribado ken publiko) a pageskuelaan  a nakipaset iti Jamboree ket makiragupda iti Distrito/Munisipalidad/Siudad a makasakup kadakuada ket agyanda iti makinsango a parte ti Kampoda. Mailasin ti nagyanan ti Kampo ti  Host District  tapno nasayud ti pannakaasikaso ti  mobilisasion ken komunikasion.

Nasupapakan met  ti bannog ti BSP-Cabugao ta inyawidna dagiti Major Awards a kas Best  Uniformed Contingent (Premio: P2,500);  Biggest Contingent-Trophy; ken  2nd Place ti Scouting Quiz, segun ken ni BSP District Coordinator Francis A. de la Cruz  iti panangidanonna iti Munisipio ti padamagna ken panagyamanda iti LGU-Cabugao babaen ti panangidaulo ni Mayor Edgardo “Ediboy”  S. Cobangbang, Jr., Honorary Chairman, Municipal Scouting Committee, iti naan-anay a suporta ken panangkibinda  iti delegasion ti Cabugao a nagatendar ti Provincial Jamboree. #  (Insurat ken rinetrato ni JOED S. SAJONIA)

No comments:

Post a Comment