Friday, December 2, 2011

NAORGANISAR TI MUNICIPAL COOPERATIVE DEVELOPMENT COUNCIL (MDCC) TI CABUGAO

Cabugao, Ilocos Sur (Disiembre 2, 2011) – Naangay ti miting ken pannakaorganisa ti opisiales ti Municipal Cooperative Development Council (MCDC)  ti ili a Cabugao idi Disiembre 2, 2011 iti mismo a Municipal Conference Hall a nagatendaran ti 11  nga opisiales ti nadumaduma a kooperatiba ken pannakabagi ti LGU-Cabugao ken tinarawidwidan ni Mr. Raymund N.  Pilorin, Cooperative Development Specialist 2, Cooperative Development Authority (CDA), Ilocos Sur Provincial Office.

Panggep ti CDA-Ilocos Sur a patibkeren ken pabaruen ti liderato ti amin a MCDC ti LGU’s iti Umuna a Distrito, Ilocos Sur   kas partner ti CDA a mangipatungpal kadagiti programa ken mangtaming ti pakaseknan dagiti kooperatiba iti masakupanda babaen ti bileg ti Memorandum Circular No. 2011-02,  Series 2011 ti CDA-Department of Finance nga idauluan ni Hon. Emmanuel M. Santiaguel, Ph. D., Chairman ti Cooperative Development  Authority (CDA).


Kalpasan ti pannakailawlawag ti sinaguday ti Memorandum ken dadduma pay a programa ken aktibidades ti CDA  kadagiti nagatendar babaen ken  ni CDA Specialist Pilorin, napagkaykaysaan a napili dagiti opisiales ti Cabugao Municipal Cooperative Development Council nga isuda dagiti sumaganad:

Mayor Edgardo S. Cobangbang, Jr. – Chairperson
Miss Marietta Cruz– Vice Chairperson
Mr. Engelberto Garma – Secretary
Mr. Avelino Andrada – Treasurer
SBM Benedict Savellano – Auditor

Umuna a nataming iti miting ket iti pannkaasikaso koma ita a tawen 2011  dagiti Annual Report ti tunggal  Kooperatiba iti CDA kas iti Financial Statement ken Certificate of Good Standing iti BIR tapno nasayud ti transaksion no adda pakaseknan kadagiti institusion a kas iti Land Bank, DBP  ken kanaigna a banko wenno Ahensia. Mainayon pay ditoy ti  akreditasion ti kooperatiba ken ti MDCC  iti LGU  ta masapul pay daytoy a dokumento kadagiti dadduma pay a  transaksion ti Kooperatiba.
Innayon ni  Coop Specialist Pilorin a makikammayet pay   dagiti Kooperatiba iti MDCC kadagiti  programa ti tree planting, motorcade, ken quiz bee a paset ti programa ti CDA. # (Insurat ken rinetrato  ni JOED S. SAJONIA)

Dagiti nagatendar iti miting ket dagiti sumaganad:
Brgy. Capt. Inocencio Sadac
Chairman, Turod Multipurpose Cooperative
Mr. Avelino Andrada
Vice Chairman, Turod MPC
Brgy. Capt. Teddy U. Soller
Office of the Mayor
Mr. Nereo S. Daproza
Vice Chairman, CABMEA
Mr. Angelito Baclig
Chairman, Aragan MPCI
Mr. Engelberto Garma
Chairman, CDTECC
Mr. Benedicto Tatson
Manager, New Maradodon Development Cooperative
Ex-Brgy. Capt. Ceferino Suboc
BOD, NMDC
Mr. Raymund N. Pilorin
Cooperative Specialist 2, CDA-Ilocos Sur Provincial Office

No comments:

Post a Comment