Wednesday, December 7, 2011

LIVESTOCK MARKET, PROYEKTO TI AMIN A SEKTOR KEN UMILI TI CABUGAO

Cabugao, Ilocos Sur (Disiembre 7, 2011) – Iti panagbisita ti Web In-Action idi Disiembre 4, 2011, nadlaw ti apagdillaw a panagkurang ti buyer dagiti nai-dayo nga animales ken nasapa a panagawid ti dadduma  kadagiti dumadayo. 

Iti pannakiumanda  ken ni Mr. Marciano “Ammas” Raciles, Presidente, Cabugao Livestock Traders  Association, imbatadna nga awan dumana iti pannakapataray ti maysa a  negosio ti panangmanehar ti Dayo. Mapapati a kurang ti puonan ti makagapu ti panagkirang ti buyer. Nupay naregget ti pagannurotan a naituyang ket adda latta mapasamak a transaksion iti ruar nupay di makaliklik a maipagna dagiti papelesda iti opisina ti Livestock Market ta masagatda met iti Opisina ti Barangay.

Nagapelar ni Presidente Raciles a kasapulan koma a maisakit ken maitandudo daytoy a proyekto iti industria ti animal yantangay dagiti maseknan met laeng nga aggamgamulo ken agkonkonsumo ti karne ti mabenepisiaran. Inlatak ti Presidente a no di maaywanan ken maigigir daytoy a sektor ti Agrikultura, maala ti sabali  dagiti pagsayaatan nga itden daytoy a programa ti Gobierno. 


Pinaneknekanna a programa para ti amin ti pagimbagan nga itden ti panag-Dadayo.     

Ti marker a naibutak iti diding ti opisina ti Livestock Market iti sumrekan ti Dayo Cabugao.
“Saan nga agkurkurang ti pannuporta dagiti opisialestayo.Datayo nga umili ti mangipromot, nangruna koma  man kadagiti  Dumadayo  ti barbarangay,” imbaga pay ti maysa a  Dumadayo.

“Nupay kasta, mamantener latta ti operasion ti Dayo babaen ti panagkakammayet ti amin a sektor ken Ahensia, Apo,” kuna ni Apo Presidente Raciles. # (Web Reasearch)

No comments:

Post a Comment