Wednesday, December 14, 2011

LIGA TI BARANGAY SECRETARIES, NAGSELEBRAR TI “PASKUA 2011”

Cabugao, Ilocos Sur – Nagtataripnong dagiti opisiales ken miembros ti League of Barangay Secretaries ti ili ti Cabugao idi Disiembre 13, 2011 sadiay igid ti baybay (Naintar a Kubo ni Victorino Sesuca), Barangay Salomague, Cabugao, Ilocos Sur tapno selebraranda ti Paskua 2011 ken nanamenda dagiti napagkaykaysaanda a naisagana a pagtaraon ken panagrambak.

Segun ken ni Mr. Ronnie Bringas, Presidente ti Liga, daytoy a panagtitipon ket ipasimudaagna  ti nairut a panagtitimpuyog/panaglalangen  dagiti Barangay Secretaries, isimbolona ti naragsak ken natalinaay a panangpasungad ti selebrasion ti pannakayanak ni Jesus a Mannubbot.


Naaramid dagiti aktibidad a pangragragsak ti selebrasion kas iti parlor games, bingo, ken panagpipinnadamag kabayatan ken kalpasan  ti panangsangoda  kadagiti nabaknang a taraon a naisagana a simbolo  ti  nabuslon a panangipateg ti panagrambak ti Paskua.


Kabayatan ti panagrambak, nayam-ammo ni Mr. Joselito Segui, agtugaw  nga Acting Barangay Secretary, Barangay Salapasap, Cabugao, Ilocos Sur. 


Nakipagselebrar   dagiti opisiales ti Gobierno Munisipal ken Barangay  nga idauluan ni Mayor Edgardo “Ediboy” S. Cobangbang, Jr. ken nakitinnakunaynay da Vice Mayor Danny Q. Gazmen, ABC President, Rizal Brgy. Captain Teddy U. Soller, Turod Brgy. Captain Inocencio Sadac, Victorino Sesuca ken LGOO Connie Quinola. # (Rinetrato ken insurat ni JOED S. SAJONIA)


No comments:

Post a Comment