Cabugao, Ilocos Sur (Disiembre 20, 2011) – Naangay ti Christmas Program and Party iti asosasion ti Barangay Nutrition Scholars (BNS) iti ili a Cabugao sadiay Dardarat Beach Resort, Brgy. Dardarat, Cabugao, Ilocos Sur idi Disiembre 19, 2011 a no sadino a ditoy ket nagtitipon dagiti BNS iti 33 a barangays ti Munisipalidad ken nakidinnanggay dagiti pannakabagi ti LGU-Cabugao nga idauluan da Municipal Social Welfare and Development Officer Lydia S. Gazmen ti DSWD-MSWDO ken Joenah G. Sevilleja, Coordinator ti BNS Municipal Program a kaduana ni Miss Melanie Saquiton.
Naaramid ti Parlor Games, Gift Giving, Raffle Draws ken panangaldaw a pinangragragsakda ti selebrasion ti Paskua 2011. Kalpasanna, naited dagiti listaan dagiti 2nd Batch nga umili a maikkan ti Philhealth Cards babaen ti Gobierno Munisipal nga idauluan ni Mayor Edgardo “Ediboy” S. Cobangbang, Jr.
Maipakaammo kadagiti maseknan a mabenepisiaran babaen iti surat manipud ken ni Mayor Ediboy a naiturong kadagiti Kapitanes ti Barangay nga umawat ket maitedto dagitoy a kard inton Disiembre 21, 2011 sadiay Municipal Conference Hall, Cabugao, Ilocos Sur.
Kalpasanna, nagturong ti bunggoy ti BNS iti Munisipio ket napagnanaminganda ti pannakairingpas dagiti pangtedda a papeles ken naiwardas babaen ken ni Madam Joenah G. Sevilleja iti panangkompletoda kadagiti pormas ken rekordda a pagrebbengan nga aramiden ti BNS ita a tawen 2011.# (Web Research)
No comments:
Post a Comment