Cabugao, Ilocos Sur - Kas paset ti apagapaman a pannakaibaw-ing iti konsentrasionda manipud iti rekord ken papelesda a pakakumikomanda, nagselebrar ken nagrelaks dagiti Barangay Treasurers ti 33 a barangays ti ili a Cabugao iti Paskua 2011 nga idauluan ni Presidente Fernando Duque, Barangay Treasurer, Brgy. Cuantacla, sadiay Multipurpose Hall, Barangay Salapasap, Cabugao, Ilocos Sur idi Disiembre 17, 2011 a no sadino a ditoy ket naawis met a nakidanggay dagiti empleado ti Municipal Treasurer’s Office, LGU-Cabugao nga idauluan ni Mrs. Lourdes Azcueta a kaduana ni Municipal Accountant, Mrs. Annalyn S. Siababa.
Naaramid ti salu-salu dagiti Tesorero ti Barangays ken Opisiales ti opisina ti LGU agraman dagiti kameng ti pamiliada nga immatendar. Naaramid met ti Raffle Draw ket mabunot ti 10 a numero kada kalpasan ti intermission number wenno maipatayab a makapikapik a sonata a pagsalaan dagiti naitallaong. Kas napagnunumuanda, naaramid pay ti Exchange Gift kalpasanna.
Imbatad ni Presidente Fernando Duque a nakumikomda iti panangisaganada kadagiti papeles ken resiboda iti pannaka-auditda iti COA. Determinadoda nga agtitinnulong/agsisinnuro nga agkakadua a mangannurot iti amin a paglintegan nga iyetnag ti Tesoreria ken COA pakaseknan ti pinansial a pakaseknan ti Barangay tapno awan ti simparat ti rekordda.
Impeksana met ti panagyamand a ti naan-anay a suporta ti Gobierno Munisipal babaen ti liderato ni Mayor Ediboy ta karamanda latta met kas iti Barangay Secretaries a matultulongan iti pagsayaatan ti sektor nga ayanda.
Nakidanggay met iti panagselebrar ti Paskua 2001 dagiti opisiales ti Barangay nga idauluan ni Kapitan Ronel Zamora, empleado ti Municipal Treasurer’s Office, sangaili ti pribado a sektor ken kasta pay da Kapitan Mario Peralta ti Barangay Nagsantaan. # (Rinetrato ken insurat ni JOED S. SAJONIA)
DAGITI OPISIALES TI ASOSASION TI BRGY. TREASURERS TI ILI A CABUGAO
| Presidente | FERNANDO DUQUE |
| Vice President | ALMA AZCUETA |
| Secretary | VERONICA PACAG |
| Treasurer | JOSEFINA DAILAS |
| Auditor | ERLINDA SAPLA |
| P.I.O. | DIODELIA SERRANO |
| LUTGARDA GALAMGAM | |
| MARCELA SAJOR | |
| EMELY SOLAR |
No comments:
Post a Comment