Cabugao, Ilocos Sur - Nagselebrar ti Tanim Kalikasan, Inc. ti nasapa a panagrambakna ti Paskua 2011 nga inatendaran dagiti kameng ti asosasion, indibidual a kliente- mannalon, ken Gobierno Lokal iti intero a Rehion Uno idi Disiembre 13, 2011 sadiay Brgy. Poblasion Sur, Sta. Maria, Ilocos Sur a pakasarakan ti opisina ti nadakamat nga NGO iti sangana iti Ilocos Sur.
Maysa a napadayawan ti Gobierno Munisipal ti ili a Cabugao babaen ti panangidaulo ni Mayor Edgardo “Ediboy” S. Cobangbang, Jr. iti naan-anay a suportada iti panggep ti NGO a mangitandudo ti panagmula ti libre a seedlings kadagiti estratehiko a lugar a pagmulaan kadagiti barbarangays ti Munsipalidad tapno matulongan ti pannakasalbar ti kasasaad ti aglawlaw/nakaparsuaan.
Imbagian ni MENRO-Designate Edgar S. Balangatan ti nagatendar ti selebrasion ket inawatna ti Sertipiko ti Pammadayaw a naited iti LGU Cabugao iti dayta a petsa.
Kastoy pay ti linaon ti mensahe ni Tanim Kalikasan Project Coordinator Jay S. Lim a kas iti sumaganad:
“ Isa ang LGU-Cabugao sa mga Lokal na Pamahalaan na nagpakita ng ibayong suporta at pakikiisa sa atin pong gawain upang makatulong sa muling pagpapanumbalik ng luntiang kalikasan sa ating mga lugar. Kaugnay nito, kilalanin naming ang kahalagahan ng inyong nai-ambag para sa tagumpay ng ating gawaing pagtatanim…”
Iti agdama, segun ken ni MENRO Balangatan, nasalun-at/napintas met ti panagtan-ay dagiti naimula/nabiag a kayo ket regular ti panangmonitorda kadagitoy babaen ti tulong dagiti Barangay Officials ken lumugar kadagitoy a barangay a nakaimulaan ti seedlings itay bulan ti Hunio-Hulio 2011. # (Web In-Action)
No comments:
Post a Comment