Thursday, June 11, 2015

2nd DAY TI LEADERSHIP AND SKILLS TRAINING, NABALLIGI

Cabugao, Ilocos Sur – Naangay ti 2nd Day ti Basic Leadership and Technical Skills Training on Institutional Development for the Operation and Maintenance of SSIP a no sadino a ditoy ket nagatendar dagiti Opisiales ken Miembros ti gimong a makasakup iti Balay-oac Diversion Dam a maipatakder  para kadagiti nadakamat a mannalon.

Naaramid ti Project Site Visit ket indauluan ni Mayor Edgardo “Ediboy” S. Cobangbang, Jr. ti grupo a nagturong iti disso ti matarimaan a dam ket bimmayabay dagiti Opisiales ti mannalon ti Balay-oac, Opisiales ti BSWM ken SWISA  kasta met dagiti Staff ti DA-LGU  a pakairamanan ni Municipal Engineer Crescencio Marcos C. Formoso.

Naaramid ti 2nd Day Training Proper iti Barangay Hall ti Barangay Pug-os.

Nangipaay ti Inspirational Message ni Mayor Edgardo” Ediboy” S. Cobangbang, Jr. Kimmablaaw ken nagyaman ta naikkan ti gundaway dagiti kailianna iti panagsanay maipapan iti panangmanehar iti pasilidad nga ited ti BSWM. Dinakamatna ti kabaelan dagiti kailianna a mangprobitsar kadagiti serbisio nga ipaay dagiti maikanatad  nga Ahensia tapno manayonan ti ammoda ken mapadur-asda ti sektorda a mannalon.

Dinakamat ni Mayor Ediboy ti pateg dagitoy a proyekto a maipaay a gundaway kadagiti mannalon ket kayatna met a komplementaran ti Gobierno Munisipal dagitoy nga ipaay ti BSWM babaen iti pannakapasayaat pay dagiti dadduma a maipasdek a SWISA kas idiay Sitio Caset, Brgy. Maradodon ken Diversion Dam iti Reppa-ac-Pug-os-Bato.

Bininsana pay ti pateg ti Soil Fertility Mapping a proyekto ti LGU-Cabugao a daytoy ket mangikabassit ti gastosen dagiti mannalon ken mangingato ti matgedanda iti maapitda.
Naisaganad ti Training Proper ket dagiti natratar iti maikadua nga aldaw:
1.Presentatation of Issues and Concerns about Association.
2.Collage Preparation and Presentation.
3.Cropping Pattern and Calendar. 
4.Water Distribution Plan.
5.Maintenance Plan.

Dagiti pannakabagi ti Bureau of Soils and Water Management (BSWM) ken kasta met iti  LGU-Cabugao dagiti kangrunaan a naglektiur kadagitoy a Topiko. # (Web In-Action)

No comments:

Post a Comment