Wednesday, June 17, 2015

FARM MACHINERIES, NAI-TURNOVER ITI ASOSASION TI BARANGAY CARUSIPAN

Cabugao, Ilocos Sur – Naangay ti Awarding/Turn-over dagiti Farm Machineries kas iti tallo a unit ti  rice threshers (rice and corn); dua (2)  a unit ti hand tractor; ken 2 units reaper kadagiti Opisiales/Kameng ti Namnama ti Carusipan Farm Service Providers Association, Inc.  iti sango ti Munisipio (Presidencia) nga inimatangan dagiti umili ken Pamilia LGU.


Ni Mayor Edgardo “Ediboy” S. Cobangbang, Jr.  ken dagiti kameng ti Sangguniang Bayan kas kada SBM Josefina S. Vallejo; SBM Benedicto M. Savellano;   ken ni ABC President Thaddeus “Teddy” U. Soller iti nangbayabay ken ni Mayor Ediboy a nangiyallawat kadagitoy a ramit-agrikultura kadagiti maseknan.

Sakbayna, naangay ti ababa a programa ti Awarding/Turnover iti Municipal Conference Building nga inatendaran dagiti 31 a kameng ti Asosasion agraman dagiti Opisiales ti ili, OPAG-Ilocos Sur ken kameng ti Konseho  ti Barangay Carusipan nga idauluan ni Brgy. Captain Jimmy Pablico.

Nagsarita ni Mayor Edgardo “Ediboy” S. Cobangbang, Jr. ket kinunana nga adda a siimatang ti Konseho ti Barangay Carusipan a katinnarabay ti Asosasion a mangmanehar ken mangmantener kadagiti naited a makinaria ket no mapadakkel ti naituding a pagsayaatan dagitoy a maited a ramit ket apalanto ti sumarsaruno a henerasion ket papananna  nga agturong ti sektor dagiti asosasion a naballigi dagiti irusatda a programa ken proyekto a pagsayaatanda.


Nagsarita met ni Mr. Robert Cly Azcueta, Presidente,  NCFSPAI ket pinagyamananna ti Gobierno Munisipal nga idauluan ni Mayor Ediboy ken ti DA-RFO 1 ket iti talek nga naited kadakuada ket isublida met laeng a sipupudno babaen iti napintas a panangtaripatoda kadagitoy a makinaria.

Panagyaman, pannakidanggay ti pagdur-asan ti kabarangayanna iti anag ti panagsarita ni Barangay Captain Jimmy Pablico.

Kalpasan ti Cutting of Ribbon nga indauluan da Mayor Ediboy ken ni Dr. Paz L. Mones, Ph. D., Regional Technical Director for Operation, DA-RFO 1,  kasta metten a kaduada  ni Engr. Nancy Cabebe iti OPAG-Ilocos Sur ket naaramid ti Orientation and Briefing of Farm Equipments Operation, Terms and Condition babaen kadagiti Supplier.

Nagmiting met dagiti Opisiales ken Miembros ti Asosasion iti Municipal Conference Building.

Nagpaay nga Emcee ni Mr. Nereo S. Daproza, FSP Adviser. # (Web In-Action) 

No comments:

Post a Comment