Cabugao, Ilocos Sur – Naikkan dagiti ubbing ken nataengan iti libre a wheelchair nga impaay ti Latter-Day Saint Charities (Mormon) babaen iti panangmobilisar dagiti pannakabagi ti De la Salle Health Science Institute-College of Rehabilitation Sciences, De La Salle University kadagiti maseknan a kameng ti People with Disabilities (PWD’s) nga umili ti Cabugao, Ilocos Sur babaen iti pannakikammayetda iti Opisina ti MSWDO nga idauluan ni MSWD Officer Mrs. Lydia S. Gazmen ken iti Opisina ni Mayor Edgardo “Ediboy” S. Cobangbang, Jr. Naangay ti Turnover dagiti Wheelchair kadagiti PWD’s iti sango ti Munisipio idi Hunio 23, 2015.
Tinarabay ni SBM Atty. Bryan Jett S. Pano, Comittee Chair on Social Services dagiti pannakabagi ti De La Salle University kabayatan iti pannakaibunong dagiti wheelchair ken pannakarukod dagiti maseknan a PWD a mabenepisiaran kadagiti naisangpet a wheelchair.
Imbatad ni Atty. Pano a malaksid iti distribution of wheelchair, maaramid manen ti wheelchair fitting seminar inton Hunio 24, 2015 ditoy Munisipio nga atendaran dagiti kameng ti BHW’s ken SPED Teachers tapno matakuatan pay dagiti saan a nairaman nga ubbing ken umili iti listaan dagiti maikkan iti wheelchair.
Innayon ni SBM Pano a babaen iti agtultuloy a suporta ti LGU-Cabugao nga idauluan ni Mayor Ediboy ket agtultuloy met ti itden ti Unibersidad a pannakikammayet kadagiti institusion a makaipaay iti umarngi a proyekto ken serbisio-sosial kadagiti umili ti Cabugao, Ilocos Sur.
Kamalman iti dayta a petsa, naaramid ti orientasion iti isu met la nga institusion kadagiti ubbing ken nagannak iti STAC-Cabugao iti Opisina ni Mayor Ediboy. Naaramid pay ti Planning iti panggep a pannakaipasdek ti STAC Building iti Municipal Lot iti asideg ti pasdek ti Munisipio. # (Web In-Action)
Tinarabay ni SBM Atty. Bryan Jett S. Pano, Comittee Chair on Social Services dagiti pannakabagi ti De La Salle University kabayatan iti pannakaibunong dagiti wheelchair ken pannakarukod dagiti maseknan a PWD a mabenepisiaran kadagiti naisangpet a wheelchair.
Imbatad ni Atty. Pano a malaksid iti distribution of wheelchair, maaramid manen ti wheelchair fitting seminar inton Hunio 24, 2015 ditoy Munisipio nga atendaran dagiti kameng ti BHW’s ken SPED Teachers tapno matakuatan pay dagiti saan a nairaman nga ubbing ken umili iti listaan dagiti maikkan iti wheelchair.
Innayon ni SBM Pano a babaen iti agtultuloy a suporta ti LGU-Cabugao nga idauluan ni Mayor Ediboy ket agtultuloy met ti itden ti Unibersidad a pannakikammayet kadagiti institusion a makaipaay iti umarngi a proyekto ken serbisio-sosial kadagiti umili ti Cabugao, Ilocos Sur.
Kamalman iti dayta a petsa, naaramid ti orientasion iti isu met la nga institusion kadagiti ubbing ken nagannak iti STAC-Cabugao iti Opisina ni Mayor Ediboy. Naaramid pay ti Planning iti panggep a pannakaipasdek ti STAC Building iti Municipal Lot iti asideg ti pasdek ti Munisipio. # (Web In-Action)
No comments:
Post a Comment