Wednesday, June 10, 2015

LEADERSHIP AND SKILLS TRAINING, INANGAY TI BSWM

Cabugao, Ilocos Sur – Naangay ti 1st  Day ti Basic Leadership and Technical Skills Training on Institutional Development for the Operation and Maintenance of SSIP a no sadino a ditoy ket nagatendar dagiti Opisiales ken Miembros ti gimong ti mannalon a makasakup iti Balay-oac Diversion Dam a maipatakder  para kadagiti nadakamat a mannalon.


Naaramid ti Opening Program iti 1st Day, Hunio 9, 2015 iti Municipal Conference Building.  Invocation ti impaay ni MAFC Rogelio Barlolong. Opening Remarks met ti inaramid ni Acting Municipal Agriculturist Robert S.  Savella.  Kimmablaaw ken pinagyamananna dagiti Opisiales ti BSWM ken ti LGU-Cabugao ta maisuro dagiti mannalon iti Balay-oac a manggobierno iti gimongda ken iti nasamay a panangusarda iti pasilidad a maaramid para kadakuada.

Nangipaay ti Inspirational Message ni Mayor Edgardo” Ediboy” S. Cobangbang, Jr. Kimmablaaw ken nagyaman ta naikkan ti gundaway dagiti kailianna iti panagsanay maipapan iti panangmanehar iti pasilidad nga ited ti BSWM. Dinakamatna ti kabaelan dagiti kailianna a mangprobitsar kadagiti serbisio nga ipaay dagiti maikanatad  nga Ahensia tapno manayonan ti ammoda ken mapadur-asda ti sektorda a mannalon.


Bininsana pay ti pateg ti Soil Fertility Mapping a proyekto ti LGU-Cabugao a daytoy ket mangikabassit ti gastosen dagiti mannalon ken mangingato ti matgedanda iti maapitda.

Innayon ti Ama ti Ili a no mapapintas ti kasasaad dagiti mannalon ket ag-translate a pumintas ti ekonomia ti ili. Ket kinaritna dagiti partisipantes a taginayonenda ti kinamanagtungpalda ken pannakikaysada kadagiti umayda idanon a pagsayaatan tapno adda met balonen dagiti taga-BSWM nga ipannakkel iti panagawidda ket no mapasamak ti  kasta ket awanen  ti pangisukatak iti ragsak a magun-odtayo ket saan nga agpulsot ti kakastoy a pagimbagan uray pay kadagiti umay a henerasion, segun pay kenkuana.

Naisaganad ti Training Proper ket dagiti natratar iti umuna nga aldaw ket dagiti sumaganad:
1.Levelling of Expectations.
2.Group Awareness (Johari Window).
3.Cooperation.
4.Effective Communication.
5.Collaboration. 
6.Duties and Responsibilities of Members.

Dagiti pannakabagi ti Bureau of Soils and Water Management (BSWM) dagiti kangrunaan a naglektiur kadagitoy a Topiko. # (Web In-Action)

No comments:

Post a Comment