Monday, June 15, 2015

3rd DAY TI LEADERSHIP AND SKILLS TRAINING TI BSWM, NAILEPPAS

Cabugao, Ilocos Sur – Naangay ti 3rd Day ti Basic Leadership and Technical Skills Training on Institutional Development for the Operation and Maintenance of SSIP a no sadino a ditoy ket nagatendar dagiti Opisiales ken Miembros (Irrigator’s Association)  ti gimong a makasakup iti Balay-oac Diversion Dam a maipatakder  para kadagiti nadakamat a mannalon. Naaramid ti maudi nga aldaw ti seminar  idi Hunio 11, 2015 iti Municipal Conference Building.


Kadua dagiti pannakabagi ti DA-LGU Staff nga idauluan ni Acting Municipal Agriculturist Robert S. Savella dagiti pannakabagi ti BSWM nga isuda Engr. Diana V. Escote, Engineer II, BSWM; Ms. Blessie Concepcion, Agriculture II, BSWM; Mr. Frederick Margallo, CDO 1, BSWM; ken ni Mr. Elmer G. Bromeo, Provincial SWISA President.

Nagatendar iti umuna nga aldaw (Hunio 9) ni Mr. Alger Valdez, Regional SWISA President idinto ta iti maikadua nga aldaw ni Mr. Romeo Rodriguez, SWISA National President iti naaramid a Project Site Visit idi Hunio 10, 2015 babaen kadagiti pannakabagi ti LGU-BSWM ken dagiti Opisiales/Kameng ti Balay-oac Diversion Dam Irrigator’s Association nga idauluan ni Mr. Elmer Guerrero Bromeo, Presidente.

Iti taraudi a paset ti programa, nangipaay ti Impression dagiti tallo a partisipantes  nga indauluan ni Mr. Bert Vicente, patanor a Local Farmer Technician (LFT)  babaen iti LGU-Cabugao iti Sektor-Agrikultura. Imbatadda iti pannakanayon ti kaammuanda iti panagoperar ti maysa nga irigasion.


Nangipaay ti pammakada a balikas ni Ms. Blessie Concepcion idinto ta kanta ti imparanud ni Engr. Diana V. Escote. Dinakamat ni Ms. Concepcion ti agtultuloy ken naan-anay a suporta ti LGU-Cabugao iti panggepda a mangidanon/mangpalawa  iti serbisio ti BSWM partikular iti pannakabangon dagiti pasilidad ti SWISA iti ili a Cabugao.

Nangipaay ni Mayor Edgardo “Ediboy” S. Cobangbang, Jr. ti pagyaman a balikas kadagiti pannakabagi ti BSWM. Inulitna ti panagkumit ti Gobierno Munisipal a mangkomplementar kadagiti programa ken proyekto  ti SWISA kadagiti pakaipaayanna  a disso iti Munisipalidad. 

Iti nasayud a panagrubuat ti programa ti BSWM ken iti SWISA iti ili, panggep ti Munisipio a maited ti gundaway kadagiti kameng ti Balay-oac Diversion Dam Irrigator’s Association  a bumisita idiay Alcala, Cagayan a lugar ti National Outstanding SWISA tapno mainspiraran dagiti mannalon a manggun-od met kadaytoy a pammadayaw.

Kamaudiananna, indauluan met ni MAFC Rogelio Barlolong ti kanta a pinangrikepda ti tallo a nabunga ken naballigi nga aldaw a seminar nga inggannuat ti BSWM ken iti LGU-Cabugao. # (Web In-Action)

No comments:

Post a Comment