Friday, June 26, 2015

BRANDING KEN DEWORMING, AGTULTULOY A MAARAMID KADAGITI BARANGAY

Cabugao, Ilocos Sur – Iti pannaki-amad ti Web In-Action ken ni Dr. Melvin G. Castro, Veterinarian  ti DA-LGU Cabugao iti Hunio 26, 2015, impakaammona  nga idanonda ti / panagmarka/panagpurgada   kadagiti ayup ken dinguen (Baka, Nuang ken Kalding) kadagiti 33 a barangay ti ili tapno masigud a maprebentaran dagiti rumsua a sakit ti animales.

Innayon ni Dr. Castro a  makikoordinarda iti Barangay Captain ta kabaelanna a mobilisaren dagiti adda ayup ken dinguenna tapno matamingda.  

Malaksid iti ragup a kas iti grupo/barangay  a panagmarka/panagpurga ti Large Cattle ken Kalding ket maangay met iti indibidual a wagas nangruna kadagiti adda sakit ti dinguen ken ayupda a kasapulan pay a makita ken maagasan.


Dagitoy nga aksion ken inisiatiba ket resulta ti agtultuloy a programa ti Animal Care and Disease Prevention  ti Gobierno Munisipal nga idauluan ni Mayor Edgardo “Ediboy” S. Cobangbang, Jr. tapno naan-anay a maidur-as ti livestock  sector  babaen iti pannakapapigsa ti  panagtaraken kadagiti ayup  a katulongan iti panagmulmula a pamastrekan dagiti mannalon. # (Web In-Action)

No comments:

Post a Comment