PAY-OUT TI SOCIAL PENSION TI SENIOR CITIZENS, NAANGAY MANEN

Cabugao, Ilocos Sur – Naangay ti pay-out wenno pannakaited  ti Social Pension  ti 680 a  Beneficiaries (babbaket ken lallakay)  a kameng ti Senior Citizens  ti  ili a Cabugao ket inawatda ti tallo a  bulan  a  para iti 1st Quarter ti 2015 a pensionda manipud iti DSWD Region 1 iti Municipal Hall, Cabugao, Ilocos Sur idi Hunio 21, 2015.

P500 ti kada bulan ti naituding nga awaten ti maysa a Beneficiary. Agdagup ti tallo  a bulan  ti naawatda  iti tunggal maysa.

Iti pannaki-amad ti Web In-Action idi Hunio 22, 2015, impakaammo  ni Mrs. Lydia S. Gazmen, Municipal Social  Welfare Development Officer ti LGU-Cabugao nga umabot ti nasurok a maysa a million a pesos   (P1,020,000.00)  ti dagup ti gatad a naited kadagiti 680  a benepisiario.

Nagatendar  iti nasao a pay-out activity da SB Member Atty. Bryan Jett S. Pano, Committee Chair on Social Services;  SBM Vicky S. Serna; OSCA Head Mr. Remigio Sunico ken dagiti pannakabagi ti DSWD Region 1 ken kameng ti MSWD Office ti LGU-Cabugao. # (Web In-Action)