Monday, June 8, 2015

FARM MACHINERIES, NAI-TURNOVER KADAGITI MANNALON TI NATENG

Cabugao, Ilocos Sur – Naangay ti Turn-over dagiti Farm Machineries and Equipments kas iti dua a Kuliglig Hand Tractor   (Kubota) with Complete Accessories, maysa a water pump generator ken  20 Rolio (de dos) iti Hose kadagiti Opisiales/Kameng  ti Cabugao Vegetable Growers and Traders Association nga idauluan ni Mr. Armando Azcueta, Presidente iti Hunio 8, 2015 ditoy Munisipio.


Ni Mayor Edgardo “Ediboy” S. Cobangbang, Jr.   a binayabay dagiti kameng ti Sangguniang Bayan nga isuda SBM Danny Q. Gazmen; SBM Dr. Jemaima S. Tan-Yee; SBM Vicky S. Serna; SBM Atty. Bryann Jett S. Pano ken ni SBM Josefina S. Vallejo iti nangiyallawat kadagitoy a ramit-agrikultura kadagiti maseknan a mannalon. Nakipaset met ti Staff ti HRMO-Cabugao.

Iti pannakiuman ti Web in-Action ken ni Mr. Armando Azcueta, Presidente,  imbatadna a napateg unay daytoy a nagun-odda iti LGU-Cabugao ket impeksana iti nalaus a panagyamanna iti pannakaited kadakuada  kadagitoy a ramit a mangpanam-ay ken mangtulong kadagiti kailianna nga agmulmula ti nateng.

Daytoy a proyekto ket nagun-od babaen iti Counterpart Scheme iti Department of Labor and Employment (DOLE) ken iti LGU-Cabugao.

Innayon pay ti Presidente a mantenerenda dagitoy a naited kadakuada a ramit tapno agtultuloy a mapagtalinaed iti usarda  kadakuada a nakaisagutan dagitoy. # (Web In-Action)

No comments:

Post a Comment