Cabugao, Ilocos Sur – Naangay ti Phase 2, Technical Orientation and Identification of Farmer Scholar of the Ilocos Bamboo Corridor Project a no sadino a ditoy ket inatendaran dagiti Bamboo Farmers ti siam a barangay (Pug-os, Cael-layan, Reppa-ac, Bato, Nagsantaan, Sagayaden, Pila, Dardarat ken Salomague) iti ili a Cabugao, Ilocos Sur.
Naangay daytoy nga orientasion babaen iti esponsor ti Provincial Government, Ilocos Sur ken dagiti partner-na a Philippine Bamboo Foundation, Inc.; Elpidio Quirino Foundation ken ti LGU-Cabugao iti Cabugao Beach Resort, Brgy. Pug-os, Cabugao, Ilocos Sur idi Hunio 9, 2015.
Iti naaramid a programa, nag-Opening Remarks ni Mrs. Edith Castillo, Consultant ti proyekto; Introduction of Participants ti binagi ni Mr. Edgar S. Balangatan, AT, Municipal Bamboo Coordinator.
Nangted ti Inspirational Message ni Mayor Edgardo “Ediboy” S. Cobangbang, Jr. Kimmablaaw ken nagyaman ti Ama ti Ili iti Gobierno Probinsial ken dagiti Provincial Staff ti Ilocos Bamboo Corridor Project iti pannakaiwayat daytoy a proyekto kadagiti kailianna. Impeksa ti Ama ti ili iti ragsak ken suportana kadaytoy a proyekto.
Binagi ni Mr. Dante Gagto, Coordinator ti Orientation Proper kadagiti nagpartisipar; Identification of Farmer ni Dr. Ed Manda, Presidente, Philippine Bamboo Foundation, Inc.
Nagresulta ti balligi ti naaramid nga Open Forum a nakipasetan dagiti partisipantes.
Inturong dagiti Staff ti Ilocos Bamboo Corridor Project iti pannakaangay ti nadakamat a programa ken orientasion. # (Web In-Action)
No comments:
Post a Comment