Monday, June 8, 2015

NAKURAPAY KEN AGKASAPULAN, NAIKKAN ITI EXTENDED AICS

Cabugao, Ilocos Sur – Naipaayan   ti Extended Aid to Individual in Crisis Situation (Ex-AICS) a programa ti DSWD-Region 1 a pakikammayetan ti LGU-Cabugao nga idauluan ni Mayor Edgardo “Ediboy” S. Cobangbang, Jr. para iti  20 a maseknan nga umili  nga agnanaed iti nadumaduma   a barangay ti ili a Cabugao, Ilocos Sur idi Hunio 4, 2015. 


Naaramid ti turn-over dagitoy a tulong babaen kada MSWD Officer Mrs. Lydia S. Gazmen ken ni SBM Atty. Bryann Jett S. Pano, Commitee Chair on Social Services kadagiti maseknan a Recipients    iti nadakamat a petsa iti iti Opisina ti Municipal Mayor ken karaman ditoy iti pannakabagi ti DSWD Region 1.

Nakikaysa met da SBM Benedicto M. Savellano ken ni SBM Josefina S. Vallejo iti nadakamat a taripnong.

Dagitoy a naited a tulong ket agdagup iti P97,000   ket maaramatda iti nagduduma a pakasapulan a kas iti Burial, pang-Medical ken kanaigna a pakaseknan   ken nakaawatda a maigapu iti kinakurapay a maibasar iti National Household Targeting System nga inwayat ti DSWD iti kallabes a Tawen. # (Web In-Action)

No comments:

Post a Comment