Tuesday, June 23, 2015

PRE-MEMBERSHIP SEMINAR, NAANGAY MANEN DITOY MUNISIPIO

Cabugao, Ilocos Sur – Naangay ti Pre-Membership Seminar ti Fatima (Vigan) Multi-purpose Cooperative iti 2nd Floor. Municipal Building, Cabugao, Ilocos Sur  idi Hunio 22, 2015.

Naangay ti panaglektiur dagiti pannakabagi ti Kooperatiba ken nasungbatan dagiti saludsod a kayat a malawlawagan dagiti nagdengngeg iti seminar.

Daytoy a nainayon nga institusion ti ili ket agtultuloy a tumulong a mangital-o ti socio-economic status dagiti umili ken tumulong a mangidur-as iti kabaelanda a mangpasayaat ti kasasaadda kasta metten   iti komunidad a pagnanaedanda. 

Ti Fatima (Vigan) Multipurpose Cooperative ket naorganisar ken naipasdek  idi Oktubre 1968. Addan iti 45 a Tawenna nga agserserbi iti kaaduan. Babaen iti Maka-Diyos ken nadisiplina a prinsipiona iti pannakaimanehar  ti operasionna ket in-inut a dimmakkel ken nagballigi daytoy a Kooperatiba iti panaglabas ti tawen. 

Nakagun-oden ti 10 a dadakkel a pammadayaw iti serbisio iti benneg ti Kooperatiba. 

Masarakan ti Main Office ti Kooperatiba iti Pantay Fatima, Vigan City ken iti Branch Office-na iti National Highway, Sitio Bessang, Brgy. Marga-ay, Cabugao, Ilocos Sur. # (Web In-Action)

No comments:

Post a Comment