Tuesday, June 2, 2015

PRE-MEMBERSHIP SEMINAR, NAANGAY DITOY MUNISIPIO

Cabugao, Ilocos Sur – Naangay ti Pre-Membership Seminar ti Suyo Multi-purpose Cooperative iti Municipal Conference Building, Cabugao, Ilocos Sur  idi Mayo 26, 2015.

Nagatendar dagiti nag-miembro iti nadakamat a kooperatiba kasta metten a timmarabay  iti Hunta Direktiba ti nasao a Kooperatiba nga idauluan ni Mrs. Norma Sonido-Cipriano,  Chairman of the Board a kaduana ni Mr. Rizaldo S. Bencila, Cooperative Manager. 

Babaen iti daytoy a mainayon nga institusion ti ili ket agtultuloy a tumulong a mangital-o ti socio-economic status dagiti umili ken tumulong a mangidur-as iti kabaelanda a mangpasayaat ti kasasaadda kasta metten   iti komunidad a pagnanaedanda. 

Ti Suyo Multipurpose Cooperative ket naorganisar ken naipasdek  idi Tawen 1972 ket nangrugi  iti 15 nga Stockholders ken P375 a Shareholder. Babaen iti Maka-Diyos ken nadisiplina a prinsipiona iti pannakaimanehar  ti operasionna ket in-inut a dimmakkel ken nagballigi daytoy a Kooperatiba iti panaglabas ti tawen,  segun ken ni Mr. Romeo Ayunon, kameng ti  Board Of Directors. Innayon ti BOD Member  nga  immadu ti klienteda ket nagsaknap iti Region 1 ken iti  Cordillera Administrative Region (CAR) iti operasionna. # (Web In-Action)

No comments:

Post a Comment